Baspasóz máslihatynda Nurlan Noǵaev Aqtaý qalasy qurylǵaly beri aýyz sý, káriz jáne jylý jelilerine jańartý jumystary júrgizilmegen aitty. Búginde kommýnaldyq jelilerdiń 75%-ǵa tozyǵy jetkendikten, jylyna ortasha eseppen 1500 apattyq jaǵdai oryn alady eken.
Aimaq basshysynyń aitýynsha kezek kúttirmeitin máseleni sheshý maqsatynda 2025 jylǵa deiin 24 shaǵynaýdanynda 918 shaqyrym injenerlik jelilerge jańǵyrtý jumystaryn júrgizý josparlanýda.
Qaladaǵy injenerlik jelilerdiń jalpy uzyndyǵy – 1232 shaqyrym. Onyń ishinde sý jelileri – 437,8 shaqyrym, káriz – 329,6 shaqyrym, jylý – 464,4 shaqyrymdy quraidy.
Biyl 2 shaǵyn aýdannyń, iaǵni, 3a-3b shaǵynaýdandarynyń jylý jelilerine jóndeý jumystary bastalady. Sonymen qatar búgingi kúni 1-6 shaǵynaýdandardaǵy sý jáne káriz jelilerin jańǵyrtý jumystaryna jobalyq-smetalyq qujattamalary jasaqtalýda.
Injenerlik jeliler jańartylǵannan keiin, qalada aýyz sý men jylý berý máseleleri ońtailanatynyn aitady oblys basshysy.
