باسپاسٶز مەسليحاتىندا نۇرلان نوعاەۆ اقتاۋ قالاسى قۇرىلعالى بەرٸ اۋىز سۋ, كەرٸز جەنە جىلۋ جەلٸلەرٸنە جاڭارتۋ جۇمىستارى جٷرگٸزٸلمەگەن ايتتى. بٷگٸندە كوممۋنالدىق جەلٸلەردٸڭ 75%-عا توزىعى جەتكەندٸكتەن, جىلىنا ورتاشا ەسەپپەن 1500 اپاتتىق جاعداي ورىن الادى ەكەن.
ايماق باسشىسىنىڭ ايتۋىنشا كەزەك كٷتتٸرمەيتٸن مەسەلەنٸ شەشۋ ماقساتىندا 2025 جىلعا دەيٸن 24 شاعىناۋدانىندا 918 شاقىرىم ينجەنەرلٸك جەلٸلەرگە جاڭعىرتۋ جۇمىستارىن جٷرگٸزۋ جوسپارلانۋدا.
قالاداعى ينجەنەرلٸك جەلٸلەردٸڭ جالپى ۇزىندىعى – 1232 شاقىرىم. ونىڭ ٸشٸندە سۋ جەلٸلەرٸ – 437,8 شاقىرىم, كەرٸز – 329,6 شاقىرىم, جىلۋ – 464,4 شاقىرىمدى قۇرايدى.
بيىل 2 شاعىن اۋداننىڭ, ياعني, 3ا-3ب شاعىناۋداندارىنىڭ جىلۋ جەلٸلەرٸنە جٶندەۋ جۇمىستارى باستالادى. سونىمەن قاتار بٷگٸنگٸ كٷنٸ 1-6 شاعىناۋداندارداعى سۋ جەنە كەرٸز جەلٸلەرٸن جاڭعىرتۋ جۇمىستارىنا جوبالىق-سمەتالىق قۇجاتتامالارى جاساقتالۋدا.
ينجەنەرلٸك جەلٸلەر جاڭارتىلعاننان كەيٸن, قالادا اۋىز سۋ مەن جىلۋ بەرۋ مەسەلەلەرٸ وڭتايلاناتىنىن ايتادى وبلىس باسشىسى.
