Elimizdegi negizgi jáne saıası jetekshi uıym "Nur Otan" partıasy taǵy bir eleýli kezeńdi tabysty aıaqtap, jańa beleske qadam basty. Bul - tarıhı ýaqyt. Árıne, "Nur Otan" partıasynyń árbir tarıhı sáti, árbir jeńisi, árbir tabysy eń aldymen, Tuńǵysh Prezıdentimiz, Partıa Kóshbasshysy Nursultan Ábishuly Nazarbaevtyń atymen baılanysty. Sebebi, nurotandyqtar, Elbasynyń bilikti basshylyǵynyń, kemel saıasatynyń jáne uıymdastyrýshylyq sheberliginiń arqasynda árqashanda elmen, halyqpen birge bolyp, asa jaýapty mindetterdi abyroımen atqaryp keledi.
Barlyq ýaqytta partıa aldyna uzaqmerzimdi strategıalyq mindetter qoıylyp, olar sátti júzege asyryldy.
"Nur Otan" partıasynyń jetistigi - memleketimizdiń turaqty damýyn, azamattarymyzdyń sapaly ómir súrýin qamtamasyz etti. Osy tabystarymyzdy odan ári jalǵastyrý maqsatynda "Nur Otan" partıasynyń "Ózgerister joly: Ár azamatqa laıyqty ómir" atty jańa saılaýaldy baǵdarlamasy qabyldandy.
Bul baǵdarlama – baı tájirıbelerdi, shynaıy múmkindikterdi, naqty josparlardy qamtyǵan, ábden jetilgen, áleýmettik-ekonomıkalyq, saıası mańyzdy qujat. Ol - barshaǵa teń múmkindik, zıatker, salamatty jáne yjdaǵatty ult, ornyqty ekonomıka, halyqqa esep beretin memleket jáne jaýapty azamattar sıaqty ýaqyt talabynan ótken, kez-kelgen zamanaýı qajettilikterge jaýap bere alatyn aýqymdy baǵyttardy qamtyǵan.
Memleket Basshysy Qasym-Jomart Kemeluly Toqaev atap ótkendeı, partıa ázirlegen 2025 jylǵa deıingi saılaýaldy tuǵyrnama – búgingi kúnniń kúrdeli ahýalyna qatysty obektıvti kózqaras.
Sondyqtan, "Nur Otan" partıasy kezekti saılaýaldy baǵdarlamasyn jarıalaı otyryp, elimizdi odan ári órkendetýge, zańdylyq pen tártipti saqtaýǵa, ýaqytsha qıyndyqty eńserip, halyqtyń ál-aýqatyn kúsheıtýge jańa jol salyp otyr.
Bul jol árıne, barsha qazaqstandyqtardyń, partıamyzdyń barlyq jaqtastarynyń júreginen oryn alatyny sózsiz.
