Nesie boiynsha merzimi ótken bereshek 7,4%-ǵa azaidy
Filial direktorynyń aitýynsha, 2017 jylǵy qyrkúiekte tutyný baǵalarynyń indeksi 2017 jylǵy tamyzǵa qaraǵanda 100,4%, 2016 jylǵy qyrkúiekke – 106,9% quraǵan. 2017 jylǵy 1 qazandaǵy jaǵdai boiynsha oblys aýmaǵynda ekinshi deńgeidegi bankterdiń 14 filialy, bank filialdarynyń 68 bólek úi-jailary, 20 saqtandyrý kompaniiasynyń 22 filialy, qolma-qol shetel valiýtasymen aiyrbastaý operatsiialaryn uiymdastyrýǵa litsenziialary bar 34 zańdy tulǵa, 119 aiyrbastaý pýnkti, sonyń ishinde 68-i ekinshi deńgeidegi bankterdiń, 49-y ýákiletti uiymdardyń, 2-i poshta bailanysy uiymynyń pýnktteri, filialda eseptik tirkeýden ótken 9 mikroqarjylyq uiymdar qyzmet atqardy.
2017 jyldyń 9 aiynda bankterdiń filialdary 157,8 mlrd. teńge somasynda kreditter berdi, bul 2016 jyldyń tiisti kezeńimen salystyrǵanda 56,0%-ǵa kóp. Ulttyq valiýtada berilgen kreditter kólemi 58,7%-ǵa (156,5 mlrd. teńgege) deiin ósse, shetel valiýtasynda - 61,3%-ǵa (0,9 mlrd. teńgege) deiin azaidy. Jeke tulǵalarǵa 72,9 mlrd. teńge somasynda kreditter berildi, bul 2016 jyldyń sáikesti kezeńinen 64,7%-ǵa kóp, zańdy tulǵalarǵa 84,9 mlrd. teńge berildi, 49,2%-ǵa ósim qurady.
2017 jyldyń qańtar - qyrkúieginde shaǵyn kásipkerlik sýbektilerine 23,0 mlrd. teńge somasynda kreditter berilgen, bul 2016 jyldyń tiisti kezeńimen salystyrǵanda 62,1%-ǵa kóp (berilgen kreditterdiń jalpy kóleminen 14,6% qurady); azamattarǵa turǵyn úi salýǵa jáne satyp alýǵa berilgen kreditterdiń somasy 10,3 mlrd. teńge qurady jáne 99,1%-ǵa ulǵaidy (úlesi 6,5%); halyqqa tutyný maqsatyna berilgen kreditter somasy 54,1 mlrd. teńge qurady nemese 61,8%-ǵa artty (úlesi 34,3%).
2017 jylǵy 1 qazanǵa kreditter boiynsha bereshektiń jalpy somasy 211,0 mlrd. teńgeni qurady jáne 2016 jylǵy 1 qazanmen salystyrǵanda 10,5%-ǵa ulǵaidy, jeke tulǵalardyń kreditteri boiynsha bereshek 119,0 mlrd. teńgeni qurady jáne 16,0%-ǵa ósti, zańdy tulǵalar boiynsha – 92,0 mlrd. teńgeni qurap, 4,1%-ǵa kóbeidi.
2017 jylǵy 1 qazandaǵy jaǵdai boiynsha shaǵyn kásipkerlik sýbektilerdiń bereshegi 52,8 mlrd. teńge qurady jáne 2016 jylǵy 1 qazanmen salystyrǵanda 16,2%-ǵa ulǵaidy. Azamattarǵa turǵyn úi salýǵa jáne satyp alýǵa berilgen kreditter boiynsha bereshek 34,2 mlrd. teńge qurady, bul ótken jyldyń tiisti kezeńimen salystyrǵanda 19,3%-ǵa kóp, tutyný maqsatyna berilgen kreditter boiynsha bereshek 20,7%-ǵa ósip, 70,5 mlrd. teńge qurady.
2017 jyldyń 1 qazanyna kreditter boiynsha merzimi ótken bereshek 2016 jyldyń tiisti kúnimen salystyrǵanda 7,4%-ǵa azaiyp, 10,4 mlrd. teńge qurady, zańdy tulǵalardyń kreditteri boiynsha merzimi ótken bereshek 18,7%-ǵa 4,7 mlrd. teńgege deiin tómendedi, al jeke tulǵalar boiynsha - 4,5%-ǵa 5,7 mlrd. teńgege deiin kóbeidi. Merzimi ótken bereshegi bar kreditter bankter filialdarynyń qaryz portfeliniń 4,9%-yn qurady.
2017 jyldyń qańtar - qyrkúieginde oblystyń banktik mekemelerine tartylǵan salymdardyń jalpy somasy 419,9 mlrd. teńge qurady jáne 2016 jyldyń tiisti kezeńimen salystyrǵanda 21,5%-ǵa ósti. Zańdy tulǵalardan 262,0 mlrd. teńge tartyldy nemese barlyq tartylǵan salymdardyń 62,4%-y, jeke tulǵalardyń úlesine 37,6% nemese 157,9 mlrd. teńge sáikes keledi.
2017 jylǵy 1 qazandaǵy jaǵdai boiynsha oblysta ainalymdaǵy tólem kartochkalarynyń sany 500,6 myń dana (2016 jyldyń sáikesti kúnimen salystyrǵanda 2,2%-ǵa kóp), kartochka ustaýshylar sany 455,9 myń adam qurady (2,2%-ǵa artqan). Oblysta 365 bankomat (1,4%-ǵa kóp), 3951 POS-terminal (17,9%-ǵa artqan), 49 banktik kiosk (31,0%-ǵa az) jumys isteidi.
2017 jylǵy qańtar - qyrkúiekte qolma-qol aqshasyz tólemder boiynsha tólem kartochkalaryn paidalaný arqyly 41,9 mlrd. teńge somasyna (2016 jyldyń tiisti kezeńimen salystyrǵanda 3,1%-ǵa kóp) 1984,6 myń tranzaktsiia jasalǵan (73,9%-ǵa kóp). 2017 jyldyń 9 aiynda kartochkalyq shottan qolma-qol aqshany sheshý boiynsha 247,1 mlrd. teńge somasyna (2016 jyldyń qańtar - qyrkúiegimen salystyrǵanda 18,6%-ǵa ulǵaiý) 6182 myń tranzaktsiia jasaldy (11,5%-ǵa kóp).
2017 jylǵy qańtar - qyrkúiekte Filial jeke jáne zańdy tulǵalarmen Qazaqstan Respýblikasynyń valiýtalyq zańnamasyn saqtaýyna baqylaý júrgizdi. Osy kezeńde 23 material qaraldy, sonyń ishinde: 6 is boiynsha ákimshilik aiyppul túrinde jaza qoldanyldy (sonyń ishinde 3 is boiynsha sheshim sot organdarynda qabyldandy); 4 is boiynsha eskertý jasaldy; 13 material boiynsha buzýshylyqtyń bolmaýyna (oqiǵa/quram) jáne merziminiń ótýine bailanysty ákimshilik quqyq buzýshylyq týraly ister qozǵalǵan joq.
Filial altyn jáne kúmisten jasalǵan investitsiialyq jáne kollektsiialyq monetalardy satýdy júzege asyrady. 2017 jyldyń qańtar - qyrkúieginde qundy metaldardan jasalǵan 371 moneta satyldy. 2017 jyly Ulttyq Bank «Qazaqstannyń florasy men faýnasy» monetalar seriiasynan «Greig qyzǵaldaǵy», «Shyǵys kúntizbesi» seriiasynan «It jyly», «Qazaqstan halqynyń ertegileri» seriiasynan «Nemis ertegisi» (Bremen mýzykanttary), «Respýblika igiligi» seriiasynan «Altyn dán dalasy», «Qazaqstannyń beineleý óneri» seriiasynan «Y. Altynsarin», sondai-aq «Igilik monetasy» («Tasbaqa») monetalaryn shyǵardy. Monetalar týraly naqty aqparatty 55-45-32 telefony boiynsha alýǵa bolady.
Halyqqa arnalǵan tazartylǵan altyn quimalardy satý men satyp alý baǵdarlamasy júzege asyrylýda. Altyn quimalardy Qazaqstan teńge saraiy daiyndady jáne 10, 20, 50 jáne 100 gramm bolyp tórt túrde usynylady. Qazirgi kezde Oral qalasynda altyn quimalardy Qazaqstannyń Halyq banki, Eýraziialyq bank jáne Tsesnabank filialdarynan satyp alýǵa bolady.
2017 jyldyń 9 aiynda ekinshi deńgeidegi banktik, saqtandyrý qyzmetteriniń máseleleri boiynsha Filialǵa qaraýǵa 159 ótinish kelip tústi, onyń ishinde 135 – jeke tulǵalardyń ótinishi, 24 – zańdy tulǵalardyń ótinishi. 78 ótinish boiynsha qujattamalyq tekserýler júrgizildi. Olardyń qorytyndylary boiynsha ekinshi deńgeidegi bankige jazbasha uiyǵarym túrindegi 1 shekteýli yqpal etý sharasy qoldanyldy. Ekinshi deńgeidegi bankter filialdarynyń ókilderi men qarjylyq qyzmetterdi tutynýshylardyń 9 jumys kezdesýleri uiymdastyryldy. Filialdyń qoǵamdyq qabyldaýynda 220 azamat qabyldandy, olarǵa qarjy salasyndaǵy túrli máseleler boiynsha konsýltativtik kómek kórsetildi.
KR ÝB BKO esebi
