فيليال ديرەكتورىنىڭ ايتۋىنشا، 2017 جىلعى قىركۇيەكتە تۇتىنۋ باعالارىنىڭ يندەكسى 2017 جىلعى تامىزعا قاراعاندا 100،4%، 2016 جىلعى قىركۇيەككە – 106،9% قۇراعان. 2017 جىلعى 1 قازانداعى جاعداي بويىنشا وبلىس اۋماعىندا ەكىنشى دەڭگەيدەگى بانكتەردىڭ 14 فيليالى، بانك فيليالدارىنىڭ 68 بولەك ءۇي-جايلارى، 20 ساقتاندىرۋ كومپانياسىنىڭ 22 فيليالى، قولما-قول شەتەل ۆاليۋتاسىمەن ايىرباستاۋ وپەراسيالارىن ۇيىمداستىرۋعا ليسەنزيالارى بار 34 زاڭدى تۇلعا، 119 ايىرباستاۋ پۋنكتى، سونىڭ ىشىندە 68ء-ى ەكىنشى دەڭگەيدەگى بانكتەردىڭ، 49-ى ۋاكىلەتتى ۇيىمداردىڭ، 2ء-ى پوشتا بايلانىسى ۇيىمىنىڭ پۋنكتتەرى، فيليالدا ەسەپتىك تىركەۋدەن وتكەن 9 ميكروقارجىلىق ۇيىمدار قىزمەت اتقاردى.
2017 جىلدىڭ 9 ايىندا بانكتەردىڭ فيليالدارى 157،8 ملرد. تەڭگە سوماسىندا كرەديتتەر بەردى، بۇل 2016 جىلدىڭ ءتيىستى كەزەڭىمەن سالىستىرعاندا 56،0%-عا كوپ. ۇلتتىق ۆاليۋتادا بەرىلگەن كرەديتتەر كولەمى 58،7%-عا (156،5 ملرد. تەڭگەگە) دەيىن وسسە، شەتەل ۆاليۋتاسىندا - 61،3%-عا (0،9 ملرد. تەڭگەگە) دەيىن ازايدى. جەكە تۇلعالارعا 72،9 ملرد. تەڭگە سوماسىندا كرەديتتەر بەرىلدى، بۇل 2016 جىلدىڭ سايكەستى كەزەڭىنەن 64،7%-عا كوپ، زاڭدى تۇلعالارعا 84،9 ملرد. تەڭگە بەرىلدى، 49،2%-عا ءوسىم قۇرادى.
2017 جىلدىڭ قاڭتار - قىركۇيەگىندە شاعىن كاسىپكەرلىك سۋبەكتىلەرىنە 23،0 ملرد. تەڭگە سوماسىندا كرەديتتەر بەرىلگەن، بۇل 2016 جىلدىڭ ءتيىستى كەزەڭىمەن سالىستىرعاندا 62،1%-عا كوپ (بەرىلگەن كرەديتتەردىڭ جالپى كولەمىنەن 14،6% قۇرادى)؛ ازاماتتارعا تۇرعىن ءۇي سالۋعا جانە ساتىپ الۋعا بەرىلگەن كرەديتتەردىڭ سوماسى 10،3 ملرد. تەڭگە قۇرادى جانە 99،1%-عا ۇلعايدى (ۇلەسى 6،5%)؛ حالىققا تۇتىنۋ ماقساتىنا بەرىلگەن كرەديتتەر سوماسى 54،1 ملرد. تەڭگە قۇرادى نەمەسە 61،8%-عا ارتتى (ۇلەسى 34،3%).
2017 جىلعى 1 قازانعا كرەديتتەر بويىنشا بەرەشەكتىڭ جالپى سوماسى 211،0 ملرد. تەڭگەنى قۇرادى جانە 2016 جىلعى 1 قازانمەن سالىستىرعاندا 10،5%-عا ۇلعايدى، جەكە تۇلعالاردىڭ كرەديتتەرى بويىنشا بەرەشەك 119،0 ملرد. تەڭگەنى قۇرادى جانە 16،0%-عا ءوستى، زاڭدى تۇلعالار بويىنشا – 92،0 ملرد. تەڭگەنى قۇراپ، 4،1%-عا كوبەيدى.
2017 جىلعى 1 قازانداعى جاعداي بويىنشا شاعىن كاسىپكەرلىك سۋبەكتىلەردىڭ بەرەشەگى 52،8 ملرد. تەڭگە قۇرادى جانە 2016 جىلعى 1 قازانمەن سالىستىرعاندا 16،2%-عا ۇلعايدى. ازاماتتارعا تۇرعىن ءۇي سالۋعا جانە ساتىپ الۋعا بەرىلگەن كرەديتتەر بويىنشا بەرەشەك 34،2 ملرد. تەڭگە قۇرادى، بۇل وتكەن جىلدىڭ ءتيىستى كەزەڭىمەن سالىستىرعاندا 19،3%-عا كوپ، تۇتىنۋ ماقساتىنا بەرىلگەن كرەديتتەر بويىنشا بەرەشەك 20،7%-عا ءوسىپ، 70،5 ملرد. تەڭگە قۇرادى.
2017 جىلدىڭ 1 قازانىنا كرەديتتەر بويىنشا مەرزىمى وتكەن بەرەشەك 2016 جىلدىڭ ءتيىستى كۇنىمەن سالىستىرعاندا 7،4%-عا ازايىپ، 10،4 ملرد. تەڭگە قۇرادى، زاڭدى تۇلعالاردىڭ كرەديتتەرى بويىنشا مەرزىمى وتكەن بەرەشەك 18،7%-عا 4،7 ملرد. تەڭگەگە دەيىن تومەندەدى، ال جەكە تۇلعالار بويىنشا - 4،5%-عا 5،7 ملرد. تەڭگەگە دەيىن كوبەيدى. مەرزىمى وتكەن بەرەشەگى بار كرەديتتەر بانكتەر فيليالدارىنىڭ قارىز پورتفەلىنىڭ 4،9%-ىن قۇرادى.
2017 جىلدىڭ قاڭتار - قىركۇيەگىندە وبلىستىڭ بانكتىك مەكەمەلەرىنە تارتىلعان سالىمداردىڭ جالپى سوماسى 419،9 ملرد. تەڭگە قۇرادى جانە 2016 جىلدىڭ ءتيىستى كەزەڭىمەن سالىستىرعاندا 21،5%-عا ءوستى. زاڭدى تۇلعالاردان 262،0 ملرد. تەڭگە تارتىلدى نەمەسە بارلىق تارتىلعان سالىمداردىڭ 62،4%-ى، جەكە تۇلعالاردىڭ ۇلەسىنە 37،6% نەمەسە 157،9 ملرد. تەڭگە سايكەس كەلەدى.
2017 جىلعى 1 قازانداعى جاعداي بويىنشا وبلىستا اينالىمداعى تولەم كارتوچكالارىنىڭ سانى 500،6 مىڭ دانا (2016 جىلدىڭ سايكەستى كۇنىمەن سالىستىرعاندا 2،2%-عا كوپ)، كارتوچكا ۇستاۋشىلار سانى 455،9 مىڭ ادام قۇرادى (2،2%-عا ارتقان). وبلىستا 365 بانكومات (1،4%-عا كوپ)، 3951 POS-تەرمينال (17،9%-عا ارتقان)، 49 بانكتىك كيوسك (31،0%-عا از) جۇمىس ىستەيدى.
2017 جىلعى قاڭتار - قىركۇيەكتە قولما-قول اقشاسىز تولەمدەر بويىنشا تولەم كارتوچكالارىن پايدالانۋ ارقىلى 41،9 ملرد. تەڭگە سوماسىنا (2016 جىلدىڭ ءتيىستى كەزەڭىمەن سالىستىرعاندا 3،1%-عا كوپ) 1984،6 مىڭ ترانزاكسيا جاسالعان (73،9%-عا كوپ). 2017 جىلدىڭ 9 ايىندا كارتوچكالىق شوتتان قولما-قول اقشانى شەشۋ بويىنشا 247،1 ملرد. تەڭگە سوماسىنا (2016 جىلدىڭ قاڭتار - قىركۇيەگىمەن سالىستىرعاندا 18،6%-عا ۇلعايۋ) 6182 مىڭ ترانزاكسيا جاسالدى (11،5%-عا كوپ).
2017 جىلعى قاڭتار - قىركۇيەكتە فيليال جەكە جانە زاڭدى تۇلعالارمەن قازاقستان رەسپۋبليكاسىنىڭ ۆاليۋتالىق زاڭناماسىن ساقتاۋىنا باقىلاۋ جۇرگىزدى. وسى كەزەڭدە 23 ماتەريال قارالدى، سونىڭ ىشىندە: 6 ءىس بويىنشا اكىمشىلىك ايىپپۇل تۇرىندە جازا قولدانىلدى (سونىڭ ىشىندە 3 ءىس بويىنشا شەشىم سوت ورگاندارىندا قابىلداندى)؛ 4 ءىس بويىنشا ەسكەرتۋ جاسالدى؛ 13 ماتەريال بويىنشا بۇزۋشىلىقتىڭ بولماۋىنا (وقيعا/قۇرام) جانە مەرزىمىنىڭ وتۋىنە بايلانىستى اكىمشىلىك قۇقىق بۇزۋشىلىق تۋرالى ىستەر قوزعالعان جوق.
فيليال التىن جانە كۇمىستەن جاسالعان ينۆەستيسيالىق جانە كوللەكسيالىق مونەتالاردى ساتۋدى جۇزەگە اسىرادى. 2017 جىلدىڭ قاڭتار - قىركۇيەگىندە قۇندى مەتالداردان جاسالعان 371 مونەتا ساتىلدى. 2017 جىلى ۇلتتىق بانك «قازاقستاننىڭ فلوراسى مەن فاۋناسى» مونەتالار سەرياسىنان «گرەيگ قىزعالداعى»، «شىعىس كۇنتىزبەسى» سەرياسىنان «يت جىلى»، «قازاقستان حالقىنىڭ ەرتەگىلەرى» سەرياسىنان «نەمىس ەرتەگىسى» (برەمەن مۋزىكانتتارى)، «رەسپۋبليكا يگىلىگى» سەرياسىنان «التىن ءدان دالاسى»، «قازاقستاننىڭ بەينەلەۋ ونەرى» سەرياسىنان «ى. التىنسارين»، سونداي-اق «يگىلىك مونەتاسى» («تاسباقا») مونەتالارىن شىعاردى. مونەتالار تۋرالى ناقتى اقپاراتتى 55-45-32 تەلەفونى بويىنشا الۋعا بولادى.
حالىققا ارنالعان تازارتىلعان التىن قۇيمالاردى ساتۋ مەن ساتىپ الۋ باعدارلاماسى جۇزەگە اسىرىلۋدا. التىن قۇيمالاردى قازاقستان تەڭگە سارايى دايىندادى جانە 10، 20، 50 جانە 100 گرامم بولىپ ءتورت تۇردە ۇسىنىلادى. قازىرگى كەزدە ورال قالاسىندا التىن قۇيمالاردى قازاقستاننىڭ حالىق بانكى، ەۋرازيالىق بانك جانە سەسنابانك فيليالدارىنان ساتىپ الۋعا بولادى.
2017 جىلدىڭ 9 ايىندا ەكىنشى دەڭگەيدەگى بانكتىك، ساقتاندىرۋ قىزمەتتەرىنىڭ ماسەلەلەرى بويىنشا فيليالعا قاراۋعا 159 ءوتىنىش كەلىپ ءتۇستى، ونىڭ ىشىندە 135 – جەكە تۇلعالاردىڭ ءوتىنىشى، 24 – زاڭدى تۇلعالاردىڭ ءوتىنىشى. 78 ءوتىنىش بويىنشا قۇجاتتامالىق تەكسەرۋلەر جۇرگىزىلدى. ولاردىڭ قورىتىندىلارى بويىنشا ەكىنشى دەڭگەيدەگى بانكىگە جازباشا ۇيىعارىم تۇرىندەگى 1 شەكتەۋلى ىقپال ەتۋ شاراسى قولدانىلدى. ەكىنشى دەڭگەيدەگى بانكتەر فيليالدارىنىڭ وكىلدەرى مەن قارجىلىق قىزمەتتەردى تۇتىنۋشىلاردىڭ 9 جۇمىس كەزدەسۋلەرى ۇيىمداستىرىلدى. فيليالدىڭ قوعامدىق قابىلداۋىندا 220 ازامات قابىلداندى، ولارعا قارجى سالاسىنداعى ءتۇرلى ماسەلەلەر بويىنشا كونسۋلتاتيۆتىك كومەك كورسەتىلدى.
كر ۋب بكو ەسەبى
