Birikken Ulttar Uiymy men gýmanitarlyq uiymdar Nepaldaǵy joiqyn sý tasqyny men kóshkinderden zardap shekken halyqqa kómek kórsetý úshin 49,6 million dollar kóleminde shuǵyl qarjy bólýdi surady, dep habarlaidy dalanews.kz.
BUU málimetinshe, gýmanitarlyq kómek tórt aiǵa eseptelgen jáne 84 myńnan astam adamdy qamtidy. Tabiǵi apat saldarynan myńdaǵan turǵyn baspanasyz qalyp, taza aýyzsý men eń qajetti turmystyq zattarǵa muqtaj bolyp otyr.
Jospar aiasynda zaqymdanǵan sý júielerin qalpyna keltirý, sýdy jedel tazartatyn jabdyqtar ornatý jáne halyqqa gigienalyq quraldar taratý kózdelgen. Sonymen qatar, gýmanitarlyq uiymdar qys mezgili jaqyndaǵandyqtan, taýly aýdandardaǵy turǵyndardy aýrýlardyń taralýynan qorǵaýǵa basymdyq bermek.
Tamyz aiynyń sońynda Nepal men Qytai shekarasynda bolǵan alapat sý tasqyny men kóshkinder saldarynan 1200-den astam adam qaza taýyp, myńdaǵan adam iz-túzsiz joǵalǵan. Apat aimaqtaǵy turǵyn úilerdi, joldardy, kópirlerdi jáne energetikalyq infraqurylymdy qiratyp ketken.
