Oblys basshysy A. Batalov aldymen oblystyq kópsalaly balalar aýrýhanasynyń janynan salynǵan qosalqy ǵimarattyń qurylysymen tanysty. Ótken jyldyń mamyr aiynda bastalǵan ǵimarattyń qurylysy búginde tolyǵymen aiaqtalǵan. Qazir munda eń ozyq úlgidegi meditsinalyq qural-jabdyqtar ornatylýda. Bul ǵimarat balalar neonataldyq hirýrgiia bólimi retinde qyzmet kórsetpek. Mamandardyń aitýynsha, bul jańa bólim náreste ólimin azaitýǵa, túrli aqaýlarmen dúniege kelgen sábilerge ota jasaý arqyly ómirin saqtap qalýǵa múmkindik beredi.
Ǵimarattaǵy palatalardy, jan saqtaý, tańý jáne basqa da bólmelerdi aralap kórgen oblys ákimi Amandyq Batalov ornatylyp jatqan meditsinalyq qural-jabdyqtardyń, jihazdardyń sapasyna nazar aýdaryp, kereýetterdi aýystyrýdy tapsyrdy.
Sol siiaqty aýrýhananyń jylytý maýsymyna daiyndyǵyn taǵy bir márte pysyqtaý kerektigin eskertti. Aýlasyn tolyq abattandyrýymen qosa qazirgi qoldanystaǵy balalar aýrýhanasyn jóndeýdi kelesi jyldyń josparyna engizý tapsyryldy.
Sonymen qatar alańnyń ainalasy abattandyrylyp, munda ósimdikterdiń 200-ge jýyq túri otyrǵyzylatyn bolady. Bul kórkeitý jumysyna Polesie JShS kirisip jatyr. Seriktestik direktory Elena Chernetskaia oblys basshysyna kógaldandyrý boiynsha atqarylatyn jumysty baiandap berdi.
Onyń aitýynsha, munda jemisti-dekorativti aǵashtardyń, butalardyń, gúlderdiń, kógaldyń tústerin jáne formalaryn úilestirýge basa nazar aýdarylady. Munda landshaftyq dizainy shyǵys stilindegi taqyryptyq baq ornatylmaq. Oblys ákimi Amandyq Batalov sýburqaq edeniniń tósemelerine, alańdy kógaldandyrý dizainyna, jaiaý júrginshiler jolyn tóseý baǵyttaryna qatysty birqatar eskertpeler aityp, josparǵa ózgerister engizdi.
Táýelsizdik kóshesi, 124 úidiń abattandyrylǵan aýlasyna barǵan oblys ákimi A.Batalov mundaǵy kóptegen kemshilikterdi kórsetip berdi. Aýla qorshaýynyń qońyrmen, fýtbol alańy qorshaýynyń kókpen boialýy kózge birden oǵash kórinedi. Al ornatylǵan oryndyq pen qoqys jáshikteriniń sapasy da kóńil kónshitpeidi. Fýtbol alańynyń ishki tósemelerine qatysty da oblys ákimi tarapynan syn aityldy. Jasalǵan eskertpeler negizinde merdiger kompaniia jumysty qaita jasaityn bolady.
