Búgin bul týraly Túrkistan oblystyq óńirlik komýnıkasıalar qyzmetinde ótken brıfıńte Statısıka departamentiniń basshysy Aıdar Ábildabekov málimdedi.
Aıta ketetini, ınvestısıa salymdarynyń basym bóligi – ónerkásip salasyna (40,2%), jyljymaıtyn múlikpen jasalatyn operasıalarǵa (19,7%) jáne bilim berý salasyna (10%) tıesili.
– Negizgi ınvestısıalyq salymdardyń 83,5 paıyzyn shaǵyn kásiporyndar júzege asyrǵan. Onyń kólemi – 78 098 mln. teńgeni qurap, ótken jylǵa qaraǵanda 15 paıyzǵa ósip otyr. Budan ózge, statısıkalyk tirkelimniń málimetteri boıynsha, 2018 jyldyń 1 qańtarynda Túrkistan oblysynda 13 805 zańdy tulǵa tirkelgen. Respýblıka boıynsha tirkelgen zańdy tulǵalar kórsetkishinde oblystyń úlesi 3,2 paıyzdy quraıdy, – dedi Aıdar Ahmetbekuly.
Túrkistan oblysynda zańdy tulǵalardyń jıi tirkeletin qyzmet túri – aýyl, orman jáne balyq sharýashylyǵynda (29,4%). Ekinshi oryn alatyn qyzmet jáne bilim berý calasynda (17,4%), al úshinshisi saýda calasyndaǵy tirkelgen zańdy tulǵalar (13,5%).
Sonymen qatar, bólshek saýdanyń kólemi 2018 jyldyń qańtar-maýsym aılarynyń qorytyndysy boıynsha, 66 mlrd. 213 mln. teńgeni qurap, ótken jylmen salystyrǵanda 8,9 paıyzǵa artqan. Bólshek saýda aınalymynyń jalpy kóleminde azyq-túlik taýarlarynyń úlesi – 24 paıyz, azyq-túlik emes taýarlary – 76 paıyz. Kóterme saýdanyń kólemi – 31 mlrd. 320 mln. teńgege jetip, taýar aınalymynyń 53,5 paıyzyn azyq-túlik emes taýarlar men óndiristik-tehnıkalyq ónimder quraǵan.
Túrkistan oblysy ákiminiń baspasóz qyzmeti
