بۇگىن بۇل تۋرالى تۇركىستان وبلىستىق وڭىرلىك كوممۋنيكاسيالار قىزمەتىندە وتكەن بريفينگتە ستاتيستيكا دەپارتامەنتىنىڭ باسشىسى ايدار ابىلدابەكوۆ مالىمدەدى.
ايتا كەتەتىنى، ينۆەستيسيا سالىمدارىنىڭ باسىم بولىگى – ونەركاسىپ سالاسىنا (40،2%)، جىلجىمايتىن مۇلىكپەن جاسالاتىن وپەراسيالارعا (19،7%) جانە ءبىلىم بەرۋ سالاسىنا (10%) تيەسىلى.
– نەگىزگى ينۆەستيسيالىق سالىمداردىڭ 83،5 پايىزىن شاعىن كاسىپورىندار جۇزەگە اسىرعان. ونىڭ كولەمى – 78 098 ملن. تەڭگەنى قۇراپ، وتكەن جىلعا قاراعاندا 15 پايىزعا ءوسىپ وتىر. بۇدان وزگە، ستاتيستيكالىك تىركەلىمنىڭ مالىمەتتەرى بويىنشا، 2018 جىلدىڭ 1 قاڭتارىندا تۇركىستان وبلىسىندا 13 805 زاڭدى تۇلعا تىركەلگەن. رەسپۋبليكا بويىنشا تىركەلگەن زاڭدى تۇلعالار كورسەتكىشىندە وبلىستىڭ ۇلەسى 3،2 پايىزدى قۇرايدى، – دەدى ايدار احمەتبەك ۇلى.
تۇركىستان وبلىسىندا زاڭدى تۇلعالاردىڭ ءجيى تىركەلەتىن قىزمەت ءتۇرى – اۋىل، ورمان جانە بالىق شارۋاشىلىعىندا (29،4%). ەكىنشى ورىن الاتىن قىزمەت جانە ءبىلىم بەرۋ cالاسىندا (17،4%)، ال ءۇشىنشىسى ساۋدا cالاسىنداعى تىركەلگەن زاڭدى تۇلعالار (13،5%).
سونىمەن قاتار، بولشەك ساۋدانىڭ كولەمى 2018 جىلدىڭ قاڭتار-ماۋسىم ايلارىنىڭ قورىتىندىسى بويىنشا، 66 ملرد. 213 ملن. تەڭگەنى قۇراپ، وتكەن جىلمەن سالىستىرعاندا 8،9 پايىزعا ارتقان. بولشەك ساۋدا اينالىمىنىڭ جالپى كولەمىندە ازىق-تۇلىك تاۋارلارىنىڭ ۇلەسى – 24 پايىز، ازىق-تۇلىك ەمەس تاۋارلارى – 76 پايىز. كوتەرمە ساۋدانىڭ كولەمى – 31 ملرد. 320 ملن. تەڭگەگە جەتىپ، تاۋار اينالىمىنىڭ 53،5 پايىزىن ازىق-تۇلىك ەمەس تاۋارلار مەن وندىرىستىك-تەحنيكالىق ونىمدەر قۇراعان.
تۇركىستان وبلىسى اكىمىنىڭ باسپا ءسوز قىزمەتى
