Arnaiy prokýrorlar Áliia Nazarbaevaǵa Qazaqstannan qashyp ketip, Dýbaida quryqtalǵan Shynar Muhtarovanyń tergeýde keltirgen dáiekteri arqyly shyǵa alady.
ROP operatorynyń halyq pen memleketten alǵan qarjysy talan-tarajǵa salynǵanda, onyń negizgi paidaqory Áliia Nazarbaeva boldy degen kúdik bar.
Negizi ROP isin sot Nazarbaevasyz jaýyp tastaǵan bolatyn. Burynǵy ekologiia vitse-ministri Ahmetjan Pirimqulov, "Operator ROP" JShS-ni túrli kezeńde basqarǵan Svetlana Korotenko men Medet Qumarǵaliev 7 jylǵa sottalyp ketti.
ROP isi boiynsha keltirilgen shyǵynnyń jalpy somasy 26,8 mlrd teńgeni qurady.
Al ustalǵan Shynar Muhtarova, Svetlana Korotenkonyń qatysýymen biýdjettiń 920 million teńgesin jymqyrdy degen kúdikke ilinip otyr. Muhtarova óz kezeginde tergeý barysynda sóilei bastady. Dala Inside arnasyna jetken aqparat boinysha, ol Áliiaǵa qatysty tustarynda erekshe ashylyp áńgime aitqan...
Ulttyq qaýipsizdik komiteti «Amanat» partiiasynyń depýtaty Erlan Sairov arqyly Áliia Nazarbaevany sottaý boiynsha alǵashqy qadam jasap úlgerdi.
Depýtat «ROP operatoryna» qatysty tuńǵysh prezidenttiń kenje qyzy Áliia Nazarbaevadan jaýap alý qajet ekenin málimdegen edi. Endi tergeý sistemasy aqyryndap ainala bastaityn bolady.
Ásili, Nazarbaevtyń úsh qyzyn da otyrǵyzýǵa kompromat tolyq jetedi. Tek ol "Jańa Qazaqstanǵa" kerek pe, klanaralyq soǵys ýshyǵyp ketpei me degen suraq qana "Sol jaǵalaýdyń" batyl qimyldaryn bógep tur. Sol úshin bárin birdei asamai, birinshi Áliia arqyly dámin tatyp kórmek.
