ارنايى پروكۋرورلار ءاليا نازاربايەۆاعا قازاقستاننان قاشىپ كەتىپ، دۋبايدا قۇرىقتالعان شىنار مۇحتاروۆانىڭ تەرگەۋدە كەلتىرگەن دايەكتەرى ارقىلى شىعا الادى.
روپ وپەراتورىنىڭ حالىق پەن مەملەكەتتەن العان قارجىسى تالان-تاراجعا سالىنعاندا، ونىڭ نەگىزگى پايداقورى ءاليا نازاربايەۆا بولدى دەگەن كۇدىك بار.
نەگىزى روپ ءىسىن سوت نازاربايەۆاسىز جاۋىپ تاستاعان بولاتىن. بۇرىنعى ەكولوگيا ۆيسە-مينيسترى احمەتجان ءپىرىمقۇلوۆ، "وپەراتور روپ" ءجشس-نى ءتۇرلى كەزەڭدە باسقارعان سۆەتلانا كوروتەنكو مەن مەدەت قۇمارعالييەۆ 7 جىلعا سوتتالىپ كەتتى.
روپ ءىسى بويىنشا كەلتىرىلگەن شىعىننىڭ جالپى سوماسى 26،8 ملرد تەڭگەنى قۇرادى.
ال ۇستالعان شىنار مۇحتاروۆا، سۆەتلانا كوروتەنكونىڭ قاتىسۋىمەن بيۋدجەتتىڭ 920 ميلليون تەڭگەسىن جىمقىردى دەگەن كۇدىككە ءىلىنىپ وتىر. مۇحتاروۆا ءوز كەزەگىندە تەرگەۋ بارىسىندا سويلەي باستادى. Dala Inside ارناسىنا جەتكەن اقپارات بوينىشا، ول ءالياعا قاتىستى تۇستارىندا ەرەكشە اشىلىپ اڭگىمە ايتقان...
ۇلتتىق قاۋىپسىزدىك كوميتەتى «اmاnاt» پارتياسىنىڭ دەپۋتاتى ەرلان سايروۆ ارقىلى ءاليا نازاربايەۆانى سوتتاۋ بويىنشا العاشقى قادام جاساپ ۇلگەردى.
دەپۋتات «روپ وپەراتورىنا» قاتىستى تۇڭعىش پرەزيدەنتتىڭ كەنجە قىزى ءاليا نازاربايەۆادان جاۋاپ الۋ قاجەت ەكەنىن مالىمدەگەن ەدى. ەندى تەرگەۋ سيستەماسى اقىرىنداپ اينالا باستايتىن بولادى.
ءاسىلى، نازاربايەۆتىڭ ءۇش قىزىن دا وتىرعىزۋعا كومپرومات تولىق جەتەدى. تەك ول "جاڭا قازاقستانعا" كەرەك پە، كلانارالىق سوعىس ۋشىعىپ كەتپەي مە دەگەن سۇراق قانا "سول جاعالاۋدىڭ" باتىل قيمىلدارىن بوگەپ تۇر. سول ءۇشىن ءبارىن بىردەي اساماي، ءبىرىنشى ءاليا ارقىلى ءدامىن تاتىپ كورمەك.
