Taldyqorǵanda eks-prezıdent Nursultan Nazarbaevtyń eskertkishi turǵan tuǵyr alynyp tastalǵan, - dep habarlaıdy Dalanews.kz. 

Bul týraly Esdáýlet Qyzyrbekuly esimdi Facebook qoldanýshysy paraqshasynda aıtty. 

"Taldyqorǵanda Qańtarda qıraǵan Nazarbaev eskertkishiniń tuǵyryn svetti óshirip qoıyp, jeti qarańǵy túnde alyp tastapty. Jaryq dúnıeden qoryqty ma, joq álde kún kósemdi qatty qurmettedi me kim bilsin, áıteýir tuǵyrynan taıdyrypty eks-elbasyny", - deıdi ol. 

Aıta keteıik, halyq Qańtar oqıǵasy kezinde Nazarbaevtyń Taldyqorǵandaǵy eskertkishin qulatqan bolatyn. Keıinnen Jetisý oblysynyń ákimi Beıbit Isabaev jergilikti turǵyndarmen kezdesýde eks-prezıdenttiń eskertkishiniń ornyna uly aqyn Abaı Qunanbaevqa arnalǵan eskertkish qoıylýy múmkin ekenin aıtqan bolatyn. Tipti eskertkish Almatyda daıyndalyp jatqany aıtylǵan edi.  

Eks-prezıdentke arnalǵan eskertkish Taldyqorǵanda Amandyq Batalov basshylyq etken jyldary 2016 jyly qoıylǵan.  

Qalalyq ákimdik ókilderi bul máselege qatysty resmı saýal joldap, jaýap alýdy surady.