نازاربايەۆتىڭ تالدىقورعانداعى ەسكەرتكىشى تۇرعان تۇعىرى جوق بولىپ كەتكەن

كوركەم الدابەرگەنوۆا 07 اقپ. 2024 17:35 1569

تالدىقورعاندا ەكس-پرەزيدەنت نۇرسۇلتان نازاربايەۆتىڭ ەسكەرتكىشى تۇرعان تۇعىر الىنىپ تاستالعان، - دەپ حابارلايدى Dalanews.kz

بۇل تۋرالى ەسداۋلەت قىزىربەك ۇلى ەسىمدى Facebook قولدانۋشىسى پاراقشاسىندا ايتتى. 

"تالدىقورعاندا قاڭتاردا قيراعان نازاربايەۆ ەسكەرتكىشىنىڭ تۇعىرىن سۆەتتى ءوشىرىپ قويىپ، جەتى قاراڭعى تۇندە الىپ تاستاپتى. جارىق دۇنيەدەن قورىقتى ما، جوق الدە كۇن كوسەمدى قاتتى قۇرمەتتەدى مە كىم ءبىلسىن، ايتەۋىر تۇعىرىنان تايدىرىپتى ەكس-ەلباسىنى"، - دەيدى ول. 

ايتا كەتەيىك، حالىق قاڭتار وقيعاسى كەزىندە نازاربايەۆتىڭ تالدىقورعانداعى ەسكەرتكىشىن قۇلاتقان بولاتىن. كەيىننەن جەتىسۋ وبلىسىنىڭ اكىمى بەيبىت يسابايەۆ جەرگىلىكتى تۇرعىندارمەن كەزدەسۋدە ەكس-پرەزيدەنتتىڭ ەسكەرتكىشىنىڭ ورنىنا ۇلى اقىن اباي قۇنانبايەۆقا ارنالعان ەسكەرتكىش قويىلۋى مۇمكىن ەكەنىن ايتقان بولاتىن. ءتىپتى ەسكەرتكىش الماتىدا دايىندالىپ جاتقانى ايتىلعان ەدى.  

ەكس-پرەزيدەنتكە ارنالعان ەسكەرتكىش تالدىقورعاندا اماندىق باتالوۆ باسشىلىق ەتكەن جىلدارى 2016 جىلى قويىلعان.  

قالالىق اكىمدىك وكىلدەرى بۇل ماسەلەگە قاتىستى رەسمي ساۋال جولداپ، جاۋاپ الۋدى سۇرادى. 


ۇسىنىلعان
سوڭعى جاڭالىقتار
x