Taiaýda Elmedia kanalynda Gúljan Erǵalievaǵa suhbat bergen oppozitsiialyq saiasatker Bolat Ábilov Nazarbaevqa qatysty kópshilik bilmeitin bir shyndyqty aitty, – dep habarlaidy Dalanews.kz.
2000 jyldardyń basynda Nursultan Nazarbaev Teńiz kenishin satýdan túsken qarjydan 500 mln dollardy Eýropa bankterinde óz atynan qupiia esepshot ashyp, salyp qoiady. Arada birshama ýaqyt ótkennen keiin álgi qupiia esepshotqa qatysty aqparat qoǵamdyq ortaǵa málim bolady.
Osydan keiin sol kezde Úkimet basshysy bolǵan Imanǵali Tasmaǵambetov Parlament depýtattary aldynda Nursultan Nazarbaev el múddesine arnal5an aqshany eshkimge senbegen soń Eýropa bankterine aýdaryp, óz atynan esepshot ashyp, salyp qoiǵanyn kóregendi is retinde kórsetýge tyrysqan bolatyn.
Tasmaǵambet munyń aldynda Atyraý oblysy ákimi bolǵanda qyzdy-qyzdymen ózin "Nazarbaevtyń ónimi" dep atap jibergeni esimizde. Imekeńniń aýzynan shyqqan álgi bir sózi sol zamatta qazaq dalasyna elektr qýaty sekildi tarap, sońynan eles sekildi áli kúnge deiin qýyp júrgenin bilemiz.
Endi Imekeńdi jaiyna qaldyryp, negizgi áńgimemizge oralsaq.
Nazarbaev sheteldik bankten óz atyna qupiia shot ashyp, qyrýar qarjyny salyp qoiǵany áshkere bolǵannan keiin, dúniejúzi elderi atamyzdy qazynaǵa qol salǵan jebir basshy, diktator retinde tani bastady.
Nurekeń qansha aqtalsa da, ony Batys elderi bylyqqa batqan basshy retinde qabyldaýyn qoiǵan joq.
Osydan keiin atamyz biraz ýaqytqa deiin aldyna kelip, kezdesken adamdarǵa óziniń adal basshy ekenin aityp sendirýge tyryssa kerek.
Bolat Muqyshuly sol oqiǵanyń qyzýy basylmai turǵan kezde Nazarbaevpen kezdeskende atamyzdyń qalai aqtalǵanyn Gúljan Erǵalievǵa áńgimelep berdi.
Bókeńniń aitýynsha, atamyz ózin sútten aq, sýdan taza etip kórsetý úshin Pýtinnen aqyl surap, keńesine qulaq asqanǵa uqsaidy. Sol kezdesýde Nazarbaev Ábilovke bylai degen eken.
– Myna qýlyǵyna quryq boilamaityn amerikandyqtar meniń uzaq jyldar boiy jinaǵan abyroi-bedelimdi túsirý úshin Eýropadaǵy bankterdiń birinen meniń atymnan jeke shot ashyp, júzdegen million dollar salyp, abyroiyma nusqan keltirýdi kózdegen. Muny maǵan Pýtin aitty, – dep Ábilovtyń aldynda aqtalǵan ǵoi.
Bul – Pýtinniń stilindegi ertegi ekeni anyq. Buǵan propagandamen sanasy ábden ýlanǵan, AQSh-ty ata jaýy sanaityn orystyń mujyǵy senetini anyq.
Al qazaqtardy "qulaqqa tepken" bul áńgimeni aityp, sendirý múmkin emes. Muny keiinnen jaqsy túsingen Nazarbaev bul nusqany aqparat quraldarynda ashyq taratýǵa dáti jetpese kerek.
Eger sol kezde atamyz Pýtinniń keńesine qulaq asyp, el ishinde osy aqparatty taratqanda Amerika Nurekeńniń ezýin tilip, atamyzdyń budan basqa da bylyqtaryn aldyna qoiyp bergen bolar edi.
Sol kezde Nazarbaev aýzynan "avariia" bolsa, onyń rejimi 30 jylǵa sozylmas edi.
Biraq Nazarbaev sheteldiń bankindegi qupiia esepshoty belgili bolǵannan keiin ony jeke bastyń múddesin kózdep ashqanyn esh ýaqytta moiyndamaǵanyn bilemiz.
