AQSh prezidenti Donald Tramptyń uldary investitsiia salǵan Qazaqstandaǵy iri volfram jobasyna qatysty jańa málimetter jariialandy, dep habarlaidy dalanews.kz.
Cove Kaz Capital kompaniiasynyń basshysy Dominik Hitonnyń aitýynsha, jobanyń tehnikalyq-ekonomikalyq negizdemesin (TEN) daiyndaýǵa áli 15-18 ai ýaqyt qajet. Osy qujat daiyn bolǵannan keiin jobany tolyq iske asyrý úshin qansha qarjy kerek ekeni naqty belgili bolady.
Qazirgi tańda investorlar jobaǵa keminde 1,1 mlrd dollar tartýǵa nietti.
Buǵan deiin kompaniia volfram óndirý jumystaryn aldaǵy bes jyl ishinde bastaýdy josparlap otyrǵanyn málimdegen edi. Joba aiasynda eki baiytý fabrikasy men metallýrgiialyq zaýyt salynady.
Alǵashqy kezeńde ken óndirilip, volfram kontsentraty shyǵarylmaq. Keiin ony óńdeitin zaýyt iske qosylady. Nátijesinde volfram shikizaty shetelge jóneltilmei, Qazaqstannyń ózinde óńdeledi.
Kompaniia ázirge ónimdi kimderdiń satyp alatynyn jariialaǵan joq. Alaida qoldanystaǵy kelisimderge sáikes, amerikalyq kásiporyndar qazaqstandyq volframdy satyp alýda basym quqyqqa ie bolady.
