Qamaýda otyrǵan zańger Ádilethan Moldahan sot protsesinen keiin málimdeme jasady, dep habarlaidy dalanews.kz.
Sot protsesi kóńilimnen shyqty. Qazaq eline qoldaýyna kóp raqmet. Bir Alla jar bolsyn. Qylmys jasaityn oiym bolǵan joq. Shyndyqty aitqanymdy moiyndaimyn, - deidi Ádilethan Moldahan.
Eske salaiyq, úsh adamnyń ólimine ákelgen jol apatyna qatysty pikir bildirgennen keiin zańger Ádilethan Moldahanǵa qarsy «kórineý jalǵan aqparat taratý» baby boiynsha qylmystyq is qozǵaldy. Ol ózine taǵylǵan aiypty tolyq moiyndap otyr.
Qoǵamda rezonans týdyrǵan isten keiin qazaqstandyqtar zańgerge qoldaý bildirip, oǵan 8 million teńgeden astam qarjy jinap bergen.
Is boiynsha jábirlenýshi retinde Almaty qalalyq politsiia departamenti basshysynyń burynǵy orynbasary Erjan Uzabaev pen ákimshilik politsiia basqarmasynyń basshysy Serik Shumaev tanylǵan. Uzabaevtyń advokaty aiyptalýshydan 10 million teńge kóleminde moraldyq ótemaqy jáne 1 million teńge sot shyǵyndaryn óndirip berýdi suraǵan edi.
