Aqtóbede grant alyp beremin dep aqsha alǵan kúdikti ustaldy, dep habarlaidy dalanews.kz.
Politsiiaǵa 35 jastaǵy turǵyn alaiaqtyq deregi boiynsha shaǵym túsirgen. Onyń aitýynsha, biyl sáýirde tanysy qaladaǵy kofehanalardyń birinde memlekettik baǵdarlama arqyly grant alýǵa kómektesetinin aityp, osy qyzmeti úshin aqsha suraǵan.
Ýádege sengen azamat oǵan 400 myń teńge bergen. Alaida keiin nátije bolmai, aqsha da qaitarylmaǵan.
Politsiia qyzmetkerleri júrgizgen jedel is-sharalar barysynda 32 jastaǵy kúdikti anyqtalyp, bólimshege jetkizildi.
Aldyn ala málimet boiynsha ol alǵan qarajatty jeke qajetine jumsaǵan. Qazir bul derek boiynsha sotqa deiingi tergeý amaldary júrgizilip jatyr.
