اقتٶبەدە گرانت الىپ بەرەمٸن دەپ اقشا العان كٷدٸكتٸ ۇستالدى, دەپ حابارلايدى dalanews.kz.
پوليتسيياعا 35 جاستاعى تۇرعىن الاياقتىق دەرەگٸ بويىنشا شاعىم تٷسٸرگەن. ونىڭ ايتۋىنشا, بيىل سەۋٸردە تانىسى قالاداعى كوفەحانالاردىڭ بٸرٸندە مەملەكەتتٸك باعدارلاما ارقىلى گرانت الۋعا كٶمەكتەسەتٸنٸن ايتىپ, وسى قىزمەتٸ ٷشٸن اقشا سۇراعان.
ۋەدەگە سەنگەن ازامات وعان 400 مىڭ تەڭگە بەرگەن. الايدا كەيٸن نەتيجە بولماي, اقشا دا قايتارىلماعان.
پوليتسييا قىزمەتكەرلەرٸ جٷرگٸزگەن جەدەل ٸس-شارالار بارىسىندا 32 جاستاعى كٷدٸكتٸ انىقتالىپ, بٶلٸمشەگە جەتكٸزٸلدٸ.
الدىن الا مەلٸمەت بويىنشا ول العان قاراجاتتى جەكە قاجەتٸنە جۇمساعان. قازٸر بۇل دەرەك بويىنشا سوتقا دەيٸنگٸ تەرگەۋ امالدارى جٷرگٸزٸلٸپ جاتىر.
