«GPC Investment» JShS jarǵylyq kapitalyna qatysý úlesteriniń 100 paiyzyn syiǵa tartý sharty boiynsha respýblikalyq menshikke berý týraly «Tau Bereke Group» JShS-nyń usynysy qabyldansyn» delingen qaýly mátininde.
Aita keteiik, «GPC Investment» kompaniiasy – «Qashaǵan ken orny shikizatynyń bazasynda qýaty tekshesine 1,15 milliard metr gaz óńdeý zaýytyn salý» jobasynyń operatory.
«Jeke investordyń jobany iske asyrýdy jalǵastyrýdan bas tartýyna bailanysty GPC Investment kompaniiasy "QazaqGaz" UK" AQ balansyna beriledi.
Óz kezeginde, bul ishki naryqty baǵasy qoljetimdi taýarlyq jáne suiytylǵan gazben qamtamasyz etýdi arttyrýǵa, sondai-aq zaýyt qurylysynyń jobasyn ýaqytyly júzege asyrýǵa múmkindik beredi» deidi úkimettegiler.
Qashaǵandaǵy «GPC Investement» JShS gaz óńdeý zaýytyna eks-depýtaty Dariǵa Nazarbaevanyń kúieýi Qairat Sháripbaev basqaryp, ielik etken-di. Endi zaýyt memleket menshigine ótti.
Qairat Sháripbaev Qashaǵandaǵy jańa zaýytty memleket esebinen aiaqtaǵysy kelgen edi. Biraq ol oiy iske aspady.
Sháripbaev «NCOC-ten ilespe gazdy jetkizý týraly kelisim men Qazaqstannyń Damý bankinen (QDB) gaz óńdeý zaýytyn salýǵa nesie alǵan.
Aita keteiik, QDB óz kezeginde atalǵan gaz óńdeý zaýytynyń qurylysyn sindikattalǵan qarjylandyrýǵa qatysý múmkindigin qarastyryp jatqanyn, al NCOC qazirdiń ózinde munai qubyrynan gaz qubyryn tartýǵa 50 million dollardan astam qarajat «Bolashaq» keshendi munai-gaz óńdeý qondyrǵysy salynyp jatqan gaz óńdeý zaýytyna bólgenin málimdegen bolatyn.
