Almaty oblysynyń ákimdigi quny 118 million teńgeden bastalatyn Astanadaǵy kottedjdi satylymǵa qoidy, - dep habarlaidy Dalanews.kz.
fbrk.kz Telegram-arnasyndaǵy derekke súiensek, elektron saýda alańynyń saityndaǵy málimet boiynsha "Almaty oblysynyń qarjy basqarmasy" memlekettik mekemesi Astana qalasyndaǵy 197,4 sharshy metr kottedjdi satylymǵa shyǵarǵan. Bul - Almaty oblysy ákimi apparatynyń "Sharýashylyq basqarmasy" KMM balansyndaǵy úi.
Úidiń baǵasy 118,3 million teńgeden bastalady. Baspana aýktsionda satylmaq. 2023 jylǵy derekke sáikes, úidiń naryqtaǵy quny 118,3 million teńge. Saýda-sattyq 6 aqpanda bastalady.
1990 jyly kirpishten salynǵan ekiqabatty úide 4 bólme, 3 jýynatyn bólme, as úi, saýna jáne qazandyq bar. Odan bólek, ýchaskede garaj, 2 sarai jáne terrasa bar.
Kottedjdiń naqty kimge tiesili ekeni belgisiz.
Aita keteiik, buǵan deiin eks-prezident Nursultan Nazarbaevqa tiesili rezidentsiia satylymǵa shyqqan bolatyn.Jeke golf klýby bar rezidentsiianyń alyp jatqan aýmaǵy – 1600 sharshy metr. Eks-prezidentke tiesili bolǵan rezidentsiiany 3,5 millard teńgege satyp ala alasyz.
