"Jańa Qazaqstan" KTK arnasyna endi memlekettik tapsyrys bermeitini túsinikti. Biraq, basty qaýip onda emes – KTK-nyń negizgi jarnama berýshileri bolyp tabylatyn iri tutynýshylyq brendter (Colgate, Ariel, avtosalondar, tampondar) telejarnamaǵa degen biýdjetterin qysqartyp, internetke aýysa bastaǵan.
2023 jyldyń I toqsanynan bastap, Qazaqstanda jarnama aýqymy boiynsha internet televiziiany basyp ozdy.
KTK telearnasy 2020 jylǵy pandemiiada shyǵynǵa batyp, sol minýsty 2021 jylǵy tabystan da jaba almady. 2022 jylǵy taza paida 160 million teńge boldy. Ony biyl Dariǵa Nazarbaeva kem-ketikti jabý úshin telearnanyń ózinde qaldyrǵan.
2023 jyldyń esebin tek kelesi jyly kóre alamyz. Qymbat televiziialyq qurylǵylardyń amortizatsiiasyn jáne jarnamanyń qysqarýyn eskere otyryp, KTK telearnasynyń biyl qarjylyq jaǵynan tabysty bolatyny birshama kúmán týǵyzady.
"Qańtar oqiǵasynan" 3 ai ótkennen keiin, "Kommertsiialyq televiziialyq arna" aktsionerlik qoǵamy jariialanǵan jai aktsiialardyń sanyn taǵy 2 622 850 aktsiia shyǵarý arqyly kóbeitý týraly sheshim qabyldaǵan edi.
Sonda jalpy sany 8 152 925 dana aktsiia satylymǵa shyǵarylyp, ony 1,2 milliard teńege baǵalanǵan telequrylǵyny kompaniia kapitalyna engizý arqyly "Tuńǵysh prezident qory" satyp alǵan-dy.
Dariǵa Nazarbaev arnany buryn túrli senimdi ókilder arqyly basqaryp kelse, sol 2022 jyly óziniń qojaiyndyq quqyǵyn resmi rásimdep tastady.
Basty suraq – KTK-ny kim satyp ala alady? Ol arzan aktiv emes. Biraq eń bastysy, ony satyp alatyn qarjylyq toptarda "Jańa Qazaqstan" tarapynan beiresmi ruqsat bolý kerek.
Qazirgi ýaqytta iri BAQ-ty satyp alý – ózińe sot úkimin jazýǵa parapar tirlik. Osy rette, keibir infomeikerler Timýr Týrlovtyń esimin atap qaldy. Biraq onyń jaqynda ǵana jańa mediaholdingke (Kýrsiv, Jetinshi arna) ie bolǵanyn nazarda ustasaq, oǵan KTK-ǵa shyǵyndalý artyq bolatyn siiaqty.
