"جاڭا قازاقستان" كتك ارناسىنا ەندى مەملەكەتتىك تاپسىرىس بەرمەيتىنى تۇسىنىكتى. ءبىراق، باستى ءقاۋىپ وندا ەمەس – كتك-نىڭ نەگىزگى جارناما بەرۋشىلەرى بولىپ تابىلاتىن ءىرى تۇتىنۋشىلىق برەندتەر (Colgate، Ariel، اۆتوسالوندار، تامپوندار) تەلەجارناماعا دەگەن بيۋدجەتتەرىن قىسقارتىپ، ينتەرنەتكە اۋىسا باستاعان.
2023 جىلدىڭ I توقسانىنان باستاپ، قازاقستاندا جارناما اۋقىمى بويىنشا ينتەرنەت تەليەۆيزيانى باسىپ وزدى.
كتك تەلەارناسى 2020 جىلعى پاندەميادا شىعىنعا باتىپ، سول مينۋستى 2021 جىلعى تابىستان دا جابا المادى. 2022 جىلعى تازا پايدا 160 ميلليون تەڭگە بولدى. ونى بيىل داريعا نازاربايەۆا كەم-كەتىكتى جابۋ ءۇشىن تەلەارنانىڭ وزىندە قالدىرعان.
2023 جىلدىڭ ەسەبىن تەك كەلەسى جىلى كورە الامىز. قىمبات تەليەۆيزيالىق قۇرىلعىلاردىڭ امورتيزاسياسىن جانە جارنامانىڭ قىسقارۋىن ەسكەرە وتىرىپ، كتك تەلەارناسىنىڭ بيىل قارجىلىق جاعىنان تابىستى بولاتىنى ءبىرشاما كۇمان تۋعىزادى.
"قاڭتار وقيعاسىنان" 3 اي وتكەننەن كەيىن، "كوممەرسيالىق تەليەۆيزيالىق ارنا" اكسيونەرلىك قوعامى جاريالانعان جاي اكسيالاردىڭ سانىن تاعى 2 622 850 اكسيا شىعارۋ ارقىلى كوبەيتۋ تۋرالى شەشىم قابىلداعان ەدى.
سوندا جالپى سانى 8 152 925 دانا اكسيا ساتىلىمعا شىعارىلىپ، ونى 1،2 ميلليارد تەڭەگە باعالانعان تەلەقۇرىلعىنى كومپانيا كاپيتالىنا ەنگىزۋ ارقىلى "تۇڭعىش پرەزيدەنت قورى" ساتىپ العان-دى.
داريعا نازاربايەۆ ارنانى بۇرىن ءتۇرلى سەنىمدى وكىلدەر ارقىلى باسقارىپ كەلسە، سول 2022 جىلى ءوزىنىڭ قوجايىندىق قۇقىعىن رەسمي راسىمدەپ تاستادى.
باستى سۇراق – كتك-نى كىم ساتىپ الا الادى؟ ول ارزان اكتيۆ ەمەس. ءبىراق ەڭ باستىسى، ونى ساتىپ الاتىن قارجىلىق توپتاردا "جاڭا قازاقستان" تاراپىنان بەيرەسمي رۇقسات بولۋ كەرەك.
قازىرگى ۋاقىتتا ءىرى باق-تى ساتىپ الۋ – وزىڭە سوت ۇكىمىن جازۋعا پاراپار تىرلىك. وسى رەتتە، كەيبىر ينفومەيكەرلەر تيمۋر تۋرلوۆتىڭ ەسىمىن اتاپ قالدى. ءبىراق ونىڭ جاقىندا عانا جاڭا مەدياحولدينگكە (كۋرسيۆ، جەتىنشى ارنا) يە بولعانىن نازاردا ۇستاساق، وعان كتك-عا شىعىندالۋ ارتىق بولاتىن سياقتى.
