Nursultan Nazarbaev qazirgi ýaqytta Amanat partiiasynyń múshesi emes jáne saiasi protsesterge aralaspaidy. Bul týraly onyń baspasóz hatshysy Aidos Úkibai málimdedi, dep habarlaidy dalanews.kz.
Ol «Azattyqqa» bergen pikirinde eks-prezidenttiń partiia tóńiregindegi ózgeristerge qatysy bar degen áńgimelerge jaýap berdi.
Aidos Úkibaidyń aitýynsha, Nazarbaev prezidenttik ókilettigin 2019 jyly aiaqtap, qazir zeinetkerlik ómir súrip jatyr.
– Nursultan Ábishulynyń bul partiiaǵa qandai qatysy bar? Ol 2019 jyly Qazaqstan prezidenti retindegi ókilettigin toqtatty, – dedi baspasóz hatshysy.
Eske salaiyq, Nursultan Nazarbaev Qazaqstandy shamamen 30 jyl basqardy jáne «Nur Otan» partiiasynyń negizin qalaǵan. Keiin bul partiia Amanat ataýyna ózgertildi.
2022 jylǵy Qańtar oqiǵalarynan keiin ol Qaýipsizdik keńesiniń tóraǵasy jáne partiia jetekshisi qyzmetterinen de ketken bolatyn.
Aita keteiik, buǵan deiin birqatar BAQ-ta Amanat partiiasynyń «Ádilet» partiiasymen yqtimal birigý máselesin talqylap jatqany týraly aqparat taraǵan edi.
