نۇرسۇلتان نازارباەۆ قازٸرگٸ ۋاقىتتا Amanat پارتيياسىنىڭ مٷشەسٸ ەمەس جەنە ساياسي پروتسەستەرگە ارالاسپايدى. بۇل تۋرالى ونىڭ باسپاسٶز حاتشىسى ايدوس ٷكٸباي مەلٸمدەدٸ, دەپ حابارلايدى dalanews.kz.
ول «ازاتتىققا» بەرگەن پٸكٸرٸندە ەكس-پرەزيدەنتتٸڭ پارتييا تٶڭٸرەگٸندەگٸ ٶزگەرٸستەرگە قاتىسى بار دەگەن ەڭگٸمەلەرگە جاۋاپ بەردٸ.
ايدوس ٷكٸبايدىڭ ايتۋىنشا, نازارباەۆ پرەزيدەنتتٸك ٶكٸلەتتٸگٸن 2019 جىلى اياقتاپ, قازٸر زەينەتكەرلٸك ٶمٸر سٷرٸپ جاتىر.
– نۇرسۇلتان ەبٸشۇلىنىڭ بۇل پارتيياعا قانداي قاتىسى بار? ول 2019 جىلى قازاقستان پرەزيدەنتٸ رەتٸندەگٸ ٶكٸلەتتٸگٸن توقتاتتى, – دەدٸ باسپاسٶز حاتشىسى.
ەسكە سالايىق, نۇرسۇلتان نازارباەۆ قازاقستاندى شامامەن 30 جىل باسقاردى جەنە «نۇر وتان» پارتيياسىنىڭ نەگٸزٸن قالاعان. كەيٸن بۇل پارتييا Amanat اتاۋىنا ٶزگەرتٸلدٸ.
2022 جىلعى قاڭتار وقيعالارىنان كەيٸن ول قاۋٸپسٸزدٸك كەڭەسٸنٸڭ تٶراعاسى جەنە پارتييا جەتەكشٸسٸ قىزمەتتەرٸنەن دە كەتكەن بولاتىن.
ايتا كەتەيٸك, بۇعان دەيٸن بٸرقاتار باق-تا Amanat پارتيياسىنىڭ «ەدٸلەت» پارتيياسىمەن ىقتيمال بٸرٸگۋ مەسەلەسٸن تالقىلاپ جاتقانى تۋرالى اقپارات تاراعان ەدٸ.
