"Partıamyzdyń damýynyń jańa kezeńge kelip otyrǵanyn bárimiz túsinip, bilip otyrmyz. Zaman ózgerdi, jaǵdaı ózgerdi. Nur Otan elimizdiń jetekshi kúshi retinde saıası basshylyqty bekemdep, strategıalyq baǵyttan aýytqymaý úshin búkil qoǵamdy jumyldyrýy tıis.
Bul qur ánsheıin aıtylǵan sóz emes. Biz Qazaqstannyń, halyqtyń ortasyndaǵy eldi jeteleıtin uıymbyz.
Eger de ondaı róldi oryndamasaq, onda bizdiń ornymyzǵa basqa partıa keledi.
Sondyqtan jaýapkershilikti ár ýaqytta túsinýimiz kerek", – dedi Nazarbaev saıası keńestiń keńeıtilgen otyrysynda.
Elbasy 2050 jylǵa qabyldanǵan baǵdarlamada Qazaqstandy 30 damyǵan eldiń qataryna kirgizý mindetin qoıǵanyn atap ótti.
"Barlyq baǵdarlama osyǵan baılanysty. Indýstrıalyq baǵdarlama, aýyl sharýashylyǵy, úı qurylysy, medısına, aǵartý jumystary – barlyǵy bir múddege jetý úshin jasalyp jatyr. Sondyqtan bárimizdiń oıymyz osy maqsatqa jetý bolý kerek", - dedi ol.
Buǵan qosa, Nazarbaev 2015 jyldan bastap elimizde bes ınstıtýsıonaldyq reformany júzege asyrý qolǵa alynǵanyn eske saldy.
Ol: tıimdi memlekettik apparat, zań ústemdigi, ekonomıkalyq ósim, bolashaǵy bir ult, transparentti jáne esep beretin memleket.
source: sputniknews.kz
