"پارتيامىزدىڭ دامۋىنىڭ جاڭا كەزەڭگە كەلىپ وتىرعانىن ءبارىمىز ءتۇسىنىپ، ءبىلىپ وتىرمىز. زامان وزگەردى، جاعداي وزگەردى. Nur Otan ەلىمىزدىڭ جەتەكشى كۇشى رەتىندە ساياسي باسشىلىقتى بەكەمدەپ، ستراتەگيالىق باعىتتان اۋىتقىماۋ ءۇشىن بۇكىل قوعامدى جۇمىلدىرۋى ءتيىس.
بۇل قۇر انشەيىن ايتىلعان ءسوز ەمەس. ءبىز قازاقستاننىڭ، حالىقتىڭ ورتاسىنداعى ەلدى جەتەلەيتىن ۇيىمبىز.
ەگەر دە ونداي ءرولدى ورىنداماساق، وندا ءبىزدىڭ ورنىمىزعا باسقا پارتيا كەلەدى.
سوندىقتان جاۋاپكەرشىلىكتى ءار ۋاقىتتا ءتۇسىنۋىمىز كەرەك"، – دەدى نازاربايەۆ ساياسي كەڭەستىڭ كەڭەيتىلگەن وتىرىسىندا.
ەلباسى 2050 جىلعا قابىلدانعان باعدارلامادا قازاقستاندى 30 دامىعان ەلدىڭ قاتارىنا كىرگىزۋ مىندەتىن قويعانىن اتاپ ءوتتى.
"بارلىق باعدارلاما وسىعان بايلانىستى. يندۋستريالىق باعدارلاما، اۋىل شارۋاشىلىعى، ءۇي قۇرىلىسى، مەديسينا، اعارتۋ جۇمىستارى – بارلىعى ءبىر مۇددەگە جەتۋ ءۇشىن جاسالىپ جاتىر. سوندىقتان ءبارىمىزدىڭ ويىمىز وسى ماقساتقا جەتۋ بولۋ كەرەك"، - دەدى ول.
بۇعان قوسا، نازاربايەۆ 2015 جىلدان باستاپ ەلىمىزدە بەس ينستيتۋسيونالدىق رەفورمانى جۇزەگە اسىرۋ قولعا الىنعانىن ەسكە سالدى.
ول: ءتيىمدى مەملەكەتتىك اپپارات، زاڭ ۇستەمدىگى، ەكونوميكالىق ءوسىم، بولاشاعى ءبىر ۇلت، ترانسپارەنتتى جانە ەسەپ بەرەتىن مەملەكەت.
source: sputniknews.kz
