Ridderlikter Ulystyń uly kúni ulan-asyr toi jasady.
Respýblika alańyndaǵy merekelik sharalar tań bozynan bastalyp, keshki kontsertpen jalǵasyn tapty. Keshte ridderlikterge jasalǵan keremet syi – týǵan ólke jaily ásem án, dep habarlaidy Dalanews.kz Altainews.kz ke silteme jasap.
Án avtory – oblysqa tanymal ánshi Asqar Ysqaq. Ol óz atynan jáne qala basshylyǵy atynan ridderlikterge «Ridderim» ánin pash etti.
Aita keteiik, merekelik keshke qazaq estrada juldyzdary shaqyrtyldy.
Keshte «Naz qońyr» dýeti, «Ekstazi» shoý-baleti, estrada ánshisi Erlan Asanov óner kórsetti.
Ridderlikterdi "Super star KZ" mýzykalyq jobasynyń finalisi, «Shapaǵat» ordeniniń kavaleri Oleg Nikitin quttyqtai kelip, dombyranyń súiemeldeýindegi ásem ánderimen terbedi.
Sondai-aq, erekshe vokalymen eldi súisintip júrgen Diana Sharapova keshtiń kórkin qyzdyrdy. Qazaqstannyń túkpir-túkpirinde óner kórsetip júrgen estrada juldyzy Ridderge alǵash ret kelgen.
Keshti jastardyń súiikti ánshisi, qazaq estradasynyń jarqyn juldyzy Ulanǵasyr Qami qorytyndylady.
Mereke sońy otshashýmen aiaqtaldy.
