ريددەرلىكتەر ۇلىستىڭ ۇلى كۇنى ۇلان-اسىر توي جاسادى.

رەسپۋبليكا الاڭىنداعى مەرەكەلىك شارالار تاڭ بوزىنان باستالىپ، كەشكى كونسەرتپەن جالعاسىن تاپتى. كەشتە ريددەرلىكتەرگە جاسالعان كەرەمەت سىي – تۋعان ولكە جايلى اسەم ءان، دەپ حابارلايدى Dalanews.kz Altainews.kz كە سىلتەمە جاساپ.

ءان اۆتورى – وبلىسقا تانىمال ءانشى اسقار ىسقاق. ول ءوز اتىنان جانە قالا باسشىلىعى اتىنان ريددەرلىكتەرگە «ريددەرىم» ءانىن پاش ەتتى.

ايتا كەتەيىك، مەرەكەلىك كەشكە قازاق ەسترادا جۇلدىزدارى شاقىرتىلدى.

كەشتە «ناز قوڭىر» دۋەتى، «ەكستازي» شوۋ-بالەتى، ەسترادا ءانشىسى ەرلان اسانوۆ ونەر كورسەتتى.

ريددەرلىكتەردى "Super star KZ" مۋزىكالىق جوباسىنىڭ ءفيناليسى، «شاپاعات» وردەنىنىڭ كاۆالەرى ولەگ نيكيتين قۇتتىقتاي كەلىپ، دومبىرانىڭ سۇيەمەلدەۋىندەگى اسەم اندەرىمەن تەربەدى.

سونداي-اق، ەرەكشە ۆوكالىمەن ەلدى ءسۇيسىنتىپ جۇرگەن ديانا شاراپوۆا كەشتىڭ كوركىن قىزدىردى. قازاقستاننىڭ تۇكپىر-تۇكپىرىندە ونەر كورسەتىپ جۇرگەن ەسترادا جۇلدىزى ريددەرگە العاش رەت كەلگەن.

كەشتى جاستاردىڭ سۇيىكتى ءانشىسى، قازاق ەستراداسىنىڭ جارقىن جۇلدىزى ۇلانعاسىر قامي قورىتىندىلادى.

مەرەكە سوڭى وتشاشۋمەن اياقتالدى.