الماتىنىڭ ەۋەزوۆ اۋدانىندا جول جٶندەۋ جٷرگٸزٸلٸپ جاتقان اۋماقتا جەڭٸل كٶلٸك اۋدارىلىپ, جٷرگٸزۋشٸ مەن جولاۋشى زارداپ شەكتٸ, دەپ حابارلايدى dalanews.kz.
الماتى قالالىق پوليتسييا دەپارتامەنتٸنٸڭ مەلٸمەتٸنشە, جول-كٶلٸك وقيعاسى تٶلە بي داڭعىلى بويىندا, ياساۋي كٶشەسٸنٸڭ قيىلىسىنان باتىس باعىتتا بولعان.
الدىن الا مەلٸمەت بويىنشا, Kia اۆتوكٶلٸگٸنٸڭ جٷرگٸزۋشٸسٸ جول جٶندەۋ جۇمىستارى جٷرگٸزٸلٸپ جاتقان ۋچاسكەدە كٶلٸكتٸ باسقارا الماي, سالىنىپ جاتقان جولايرىقتىڭ تٸرەۋٸنە سوعىلعان. سوققىدان كەيٸن كٶلٸك اۋدارىلعان.
وقيعا سالدارىنان جٷرگٸزۋشٸ اۋىر جاراقاتپەن اۋرۋحاناعا جەتكٸزٸلدٸ. سونداي-اق كٶلٸكتەگٸ جولاۋشىعا دا مەديتسينالىق كٶمەك كٶرسەتٸلدٸ.
پوليتسييانىڭ الدىن الا بولجامىنشا, جول اپاتىنا قاۋٸپسٸز جىلدامدىق رەجيمٸن ساقتاماۋ سەبەپ بولۋى مٷمكٸن. قازٸرگٸ ۋاقىتتا وقيعانىڭ ناقتى مەن-جايى انىقتالىپ جاتىر.
وسىعان بايلانىستى تەرتٸپ ساقشىلارى جٷرگٸزۋشٸلەرگە جول جٶندەۋ جٷرگٸزٸلٸپ جاتقان اۋماقتاردا اسا مۇقييات بولىپ, جىلدامدىقتى ساقتاپ, جول جاعدايىن ەسكەرۋگە شاقىردى.
