Almatynyń Áýezov aýdanynda jol jóndeý júrgizilip jatqan aýmaqta jeńil kólik aýdarylyp, júrgizýshi men jolaýshy zardap shekti, dep habarlaidy dalanews.kz.
Almaty qalalyq politsiia departamentiniń málimetinshe, jol-kólik oqiǵasy Tóle bi dańǵyly boiynda, Iasaýi kóshesiniń qiylysynan batys baǵytta bolǵan.
Aldyn ala málimet boiynsha, Kia avtokóliginiń júrgizýshisi jol jóndeý jumystary júrgizilip jatqan ýchaskede kólikti basqara almai, salynyp jatqan jolairyqtyń tireýine soǵylǵan. Soqqydan keiin kólik aýdarylǵan.
Oqiǵa saldarynan júrgizýshi aýyr jaraqatpen aýrýhanaǵa jetkizildi. Sondai-aq kóliktegi jolaýshyǵa da meditsinalyq kómek kórsetildi.
Politsiianyń aldyn ala boljamynsha, jol apatyna qaýipsiz jyldamdyq rejimin saqtamaý sebep bolýy múmkin. Qazirgi ýaqytta oqiǵanyń naqty mán-jaiy anyqtalyp jatyr.
Osyǵan bailanysty tártip saqshylary júrgizýshilerge jol jóndeý júrgizilip jatqan aýmaqtarda asa muqiiat bolyp, jyldamdyqty saqtap, jol jaǵdaiyn eskerýge shaqyrdy.
