Búgingi tańda Otbasy bank "Naýryz" baǵdarlamasy boiynsha barlyǵy 1 047 kredittik ótinimdi maquldady. Alǵashqy zaem kisi qolyna tiip te úlgerdi, dep habarlaidy Dalanews.kz banktiń baspasóz qyzmetine silteme jasap.
Biylǵy jylǵy "Naýryz" baǵdarlamasy boiynsha alǵashqy qoljetimdi nesieni Batys Qazaqstan oblysynyń 26 jastaǵy turǵyny Beksultan Qaziýllin resimdedi. Ol jedel meditsinalyq járdem stantsiiasynda feldsher bolyp jumys isteidi. Oblys turǵyny Oralda bastapqy naryqtan onlain-ipoteka arqyly páter satyp aldy.
Bank saityndaǵy málimetke súiensek,"Naýryz" baǵdarlamasyna qatysýshylar tizimine 12 000 qazaqstandyq ilingen, onyń 4 577-si nemese 38,1% turǵyn úige kezekte tur. Olardyń jartysyna jýyǵy (16,8%) halyqtyń áleýmettik osal sanatyna jatady.
Baǵdarlamaǵa qatysýshylardyń kópshiligi respýblikalyq mańyzy bar – Astana, Almaty jáne Shymkent qalalarynda turady. Bul - 7880 adam. Oblystyq mańyzy bar qalalardan baǵdarlamaǵa 3 506 adam kirdi, taǵy 560 bank klienti aýdandarda jáne 54 salymshy monoqalalarda turady. Qatysýshylardyń basym bóligi nemese 7 112 adam - 35 jasqa deiingi (qosa alǵanda) jas qazaqstandyqtar. Olar, ádette úilengen jáne balalary bar bolyp keledi. "Naýryz 2025" baǵdarlamasyna qatysýshylar pýlynda 25% - turǵyn úi tólemderin alýshylar, iaǵni áskeri qyzmetshiler men arnaýly memlekettik organdardyń qyzmetkerleri.
Eń únemshil salymshylardyń "Naýryz" baǵdarlamasyna qatysýshylardyń tizimine ený múmkindigi joǵary ekenin eske sala ketelik.
Upailar qalai esepteledi?
- salym boiynsha syiaqy mólsheri - árbir 1 000 teńge úshin 1 upai;
- tirkelgen nekeniń bolýy - 5 upai;
- balalardyń bolýy - 10 upai (balalar sanyna qaramastan);
- halyqtyń áleýmettik osal toptary (HÁOT) mártebesiniń bolýy - 10 upai;
- 35 jasqa deiingi jas (qosa alǵanda) – 5 upai.
Mysaly, 1000 ball jinaý úshin salym boiynsha syiaqy túrinde Otbasy bankindegi depozitte 1 mln teńge jinaý qajet. Banktegi syiaqy kapitaldandyrylady, iaǵni eseptelgen syiaqyǵa syiaqy da esepteledi. Syiaqy mólsheri - jyldyq 2% (memlekettik syilyqaqyny eskere otyryp, JTSM 2,4%-dan 14%-ǵa deiin). Depozitte 1 mln teńge kóleminde syiaqy jinaqtaý úshin keminde 5 jyl ishinde 10 million teńge josparly túrde jinaqtaý qajet.
Banktiń avtomatty júiesi upailardy úlken mánnen kishige deiin baǵalaidy. Biylǵy jyly eń joǵary ball 1 421,29, ótken jyly 1 032,44 qurady.
Buǵan deiin taǵy 12 myńnan astam qazaqstandyq "Naýryz" turǵyn úi baǵdarlamasynyń qatysýshysy atanǵanyn jazǵanbyz.
