Qaznette qazaq tilin patsientterimen erkin sóilesý úshin úirene bastaǵan ýrolog-dáriger Frolovtyń videosy qyzý talqyǵa tústi, dep habarlaidy Dalanews.kz.
Beinerolikte dárigerdiń aitýynsha, bári ádepki jaǵdaidan bastalǵan. Onyń qabyldaýyna orys tilin múlde bilmeitin patsient kelgen. Naýqasty túsinip, meditsinalyq kómek kórsetý úshin dáriger aldymen qazaq tilindegi qarapaiym sózder men tirkesterdi meńgerýge kirisken. Ýaqyt óte kele sózdik qory kóbeiip, qazaq tilin júieli túrde qoldana bastaǵan.
Frolovtyń aitýynsha, qazaq tili birtindep onyń kúndelikti ómiriniń bir bóligine ainalǵan. Ol tildi tek jumys barysynda ǵana emes, bazarda, turmystyq jaǵdaida da paidalanady. Dáriger munyń adamdarmen qarym-qatynasty jeńildetip qana qoimai, tikelei túsinis pen shynaiy bailanystan erekshe qýanysh syilaitynyn atap ótti.
