قازنەتتە قازاق ءتىلىن پاسيەنتتەرىمەن ەركىن سويلەسۋ ءۇشىن ۇيرەنە باستاعان ۋرولوگ-دارىگەر فرولوۆتىڭ ۆيدەوسى قىزۋ تالقىعا ءتۇستى، دەپ حابارلايدى Dalanews.kz.
بەينەروليكتە دارىگەردىڭ ايتۋىنشا، ءبارى ادەپكى جاعدايدان باستالعان. ونىڭ قابىلداۋىنا ورىس ءتىلىن مۇلدە بىلمەيتىن پاسيەنت كەلگەن. ناۋقاستى ءتۇسىنىپ، مەديسينالىق كومەك كورسەتۋ ءۇشىن دارىگەر الدىمەن قازاق تىلىندەگى قاراپايىم سوزدەر مەن تىركەستەردى مەڭگەرۋگە كىرىسكەن. ۋاقىت وتە كەلە سوزدىك قورى كوبەيىپ، قازاق ءتىلىن جۇيەلى تۇردە قولدانا باستاعان.
فرولوۆتىڭ ايتۋىنشا، قازاق ءتىلى بىرتىندەپ ونىڭ كۇندەلىكتى ءومىرىنىڭ ءبىر بولىگىنە اينالعان. ول ءتىلدى تەك جۇمىس بارىسىندا عانا ەمەس، بازاردا، تۇرمىستىق جاعدايدا دا پايدالانادى. دارىگەر مۇنىڭ ادامدارمەن قارىم-قاتىناستى جەڭىلدەتىپ قانا قويماي، تىكەلەي ءتۇسىنىس پەن شىنايى بايلانىستان ەرەكشە قۋانىش سىيلايتىنىن اتاپ ءوتتى.
