Shahtadaǵy shyrǵalańǵa qatysty Májilis depýtaty Erlan Saiyrov ne deidi?
– Erlan Biiahmetuly, qaýisizdikke salǵyrttyq, menedjment álsizdigi Kostenkodaǵy apatqa sebep. Sheteldik kompaniia investitsiialyq jáne ózge de mindettemelerin óreskel buzǵanyn kórsetti. Ózińiz de buǵan deiin Qazaqstan biligi «ArselorMittalTemirtaý»-dy jazalaýda dármensizdik tanytyp otyr dep dabyl qaqqan edińiz...
– Birinshiden, shahtada qaza tapqan barsha kenshilerdiń jaqyndaryna qaiǵyra kóńil aitamyn. Búgin shahtadaǵy bitpeitin shikilikten keiin Prezident Úkimetke «ArselorMittal Temirtaý» kompaniiasymen investitsiialyq yntymaqtastyqty toqtatýdy tapsyrdy. Bul – oń sheshim.
Sebebi búgingi oqiǵa «ArselorMittaldyń» jaýapsyzdyqtyń simvoly ekenin taǵy bir kórsetti. Qazir «ArselorMittal Temirtaý» AQ kompaniiasyna tiesili 8 shahtanyń jumysy ýaqytsha toqtatylǵan.
Jalpy, buǵan deiin de kompaniiaǵa birneshe márte aiyppul salynyp, qaýipsizdik talaptarynyń saqtalmaǵanyna qatysty syn taǵyldy. Birneshe million dollar aiyppul salynǵanmen bul jaǵdai da durys sheshim tappady.
Qaraǵandy oblysynyń Ekologiia departamentiniń olarǵa 1,2 mlrd teńge kóleminde aiyppul arqalatqany sabaq bolmady. Sondyqtan buǵan deiin de men halqymyzdy qoisha qyrǵan Mittaldyń bizge kerek emes ekenin aittym.
– Osy oraida elge keletin investorlarǵa talapty kúsheitý, óndiris salasyndaǵy eńbek qaýipsizdigi men jumysshylardyń quqyǵyn qorǵaýdyń jańa ádisi qajet dep sanamaisyz ba?
– Mundai qaiǵyly jaittar 1995 jyldan beri baiqalyp keledi. Máselen, «ArselorMittal Temirtaý» jumys istegen jyldary kásiporynda júzden astam kenshi mezgilsiz ajal qushqan. Sol sebepti biz halyqaralyq eńbek jáne jumysshylardy qorǵaý uiymdary arqyly elimiz ben azamattarymyz úshin moraldyq jáne materialdyq ótemaqy talap etýimiz qajet! Mittal myrzaǵa búkil álemde jariia sanktsiia berýdi qamtamasyz etýimiz kerek! Óndiristik qyzmet tek jumysshylardyń qaýipsizdigin ǵana emes, sonymen qatar kásiporynnyń janynda turatyn azamattardyń qaýipsizdigin de qamtidy.
Kásiporyn qyzmetindegi negizgi buzýshylyqtar qatarynda azamattardyń ál-aýqatyna teris áser etetin shekti ruqsat etilgen shyǵaryndylar boiynsha belgilengen normativterden asyp ketý de bar.
Júzdegen adam ólimine qaramastan, kompaniia osy kezge deiin óz kásiporyndaryndaǵy ólim-jitim deńgeiin tómendetý boiynsha pármendi shara qoldanbady, bul korporatsiia menedjmenti jaiynda teris pikir qalyptastyrady, olardyń qazaqstandyqtarǵa nemqurailylyǵyn rastaidy.
Sol sebepti aldaǵy ýaqytta eldegi investorlarǵa degen talapty maishammen qaraý qajet.
Sondai-aq, investorlardyń ózderin de Qazaqstan zańnamasyna sáikes qylmystyq jaýapkershilikke tartqan durys.
– Ózińiz bilesiz, investorlarmen jasasqan sharttar qupiia. Bul rette eski-jańa kelisimderdi qaraýǵa depýtattar atsalysa ala ma?
– Aqsha tabýǵa tyrysatyn kompaniia basshylyǵy biznestiń áleýmettik jaýapkershiligi men jumysshylardyń quqyqtaryn qamtamasyz etý máselelerine nazar aýdarmai, jumysshylarynyń basyn táýekelge tigip jatady. Sondyqtan bul kúres ulttyq múdde úshin mańyzdy, joǵaryda aitqanymdai, biz halaqaralyq deńgeide quqyqtyq talap qoiýmyz kerek, al kelisimderdi qaita qaraýdy kún tártibine qoiamyz.
Mittal Qazaqstanǵa "kirý" úshin 100 mln dollar para birgen. Tolyǵyraq: https://t.me/dalainside/1552
