Shveitsariianyń SWISS áýe kompaniiasyna tiesili jolaýshylar ushaǵy Qazaqstan aýmaǵynda dabyl belgisin berip, Almaty áýejaiyna shuǵyl qondy, dep habarlaidy dalanews.kz.
Airbus A350 ushaǵy Seýl qalasynan Tsiýrihke baǵyt alǵan. Alaida Qaraǵandy oblysynyń ústimen ushyp bara jatqan kezde ekipaj Squawk 7700 kodyn jibergen. Bul kod ádette áýe kemesinde tótenshe jaǵdai týyndaǵanyn bildiredi.
Sol sátte lainer shamamen 11,6 myń metr biiktikte bolǵan.
Dabyl belgisinen keiin ushqyshtar baǵytty ózgertip, ushaqty Almatyǵa burǵan. Áýe kemesi áýejaiǵa sátti qonyp, keiin arnaiy turaq aimaǵyna jetkizilgen.
Reis barysynda naqty qandai jaǵdai bolǵany ázirge habarlanǵan joq.
