Uzbekcosmos 2028 jyldyń qazanyna deiin alǵashqy ózbek ǵaryshkeriniń ushýyn júzege asyrýdy josparlap otyr. Joba Samarqandta ótetin halyqaralyq ǵarysh kongresine orailastyrylǵan, dep habarlaidy dalanews.kz.
Agenttik direktorynyń orynbasary Mýhiddin Ibragimovnyń aitýynsha, alǵashqy ǵarysh sapary qysqa merzimdi bolady jáne 10-14 kúnge sozylady. Qazir vedomstvo AQSh, Resei jáne Qytai tarapymen kelissóz júrgizip jatyr.
«AQSh pen Resei ǵaryshkerlerdi bir halyqaralyq ǵarysh stantsiiasyna jiberedi. Al Qytaidyń jeke ǵarysh stantsiiasy bar. Qazir biz barlyq tarappen kelissóz júrgizip jatyrmyz. Olardyń árqaisysy yntymaqtastyqqa daiyn ekenin bildirdi. Bizdiń ǵaryshker ǵaryshqa ushqanda, Jerge bos qolmen emes, kem degende belgili bir eksperiment nátijelerimen oralady», – dedi ol.
Ǵaryshkerlikke úmitkerler úshin bilim deńgeiine, shet tilderin bilýine jáne fizikalyq kórsetkishterine qatysty talaptar qoiylǵan. Negizgi kandidat seriktes elderdiń birinde arnaiy daiyndyqtan ótedi.
