Ýkraina prezidenti apparatynyń eks-basshysy Andrei Ermak qamaýǵa alyndy. Ýkrainanyń Sybailas jemqorlyqqa qarsy joǵarǵy soty ony 460 million grivnany zańdastyrdy degen is boiynsha eki aiǵa qamaý týraly sheshim shyǵarǵan, dep habarlaidy dalanews.kz.
Sot Andrei Ermakty 60 táýlikke qamaýǵa alyp, 140 million grivna kóleminde kepilmen bosatý múmkindigin qarastyrǵan. Al Ýkraina prokýratýrasy kepil somasyn 180 million grivna kóleminde belgileýdi suraǵan.
Sot sheshimimen Andrei Ermakqa is boiynsha kúdikke ilingen basqa tulǵalarmen bailanysýǵa da tyiym salyndy. Olardyń qatarynda Chernyshov, Mindich, Lysenko, Opalchýk, Siranchýk jáne Medvedeva bar.
Burynǵy sheneýnik ózine taǵylǵan aiypty moiyndamaitynyn málimdedi. Onyń sózinshe, mundai kólemdegi kepildi tóleýge qarajaty joq, alaida kómektesetin tanystary men dostary jetkilikti ekenin aitqan. Sondai-aq, apelliatsiialyq shaǵym túsiretinin jetkizgen.
Keiin Ýkraina depýtaty Iaroslav Jelezniak belgilengen kepil somasy jaqyn ýaqytta tólenetinin habarlady. Onyń sózinshe, qarajatty zań salasyndaǵy birneshe adam birigip jinamaq.
Aita keteiik, Andrei Ermak 2020 jylǵy aqpannan beri Ýkraina prezidenti apparatyn basqarǵan edi. Ol Vladimir Zelenskii komandasyndaǵy negizgi tulǵalardyń biri sanaldy. Byltyr energetika salasyndaǵy jemqorlyq daýyna bailanysty qyzmetinen bosatyldy.
