Kásipker Tursynǵali Alagózov Forbes jýrnalynyń 2026 jylǵy eń bai qazaqstandyqtar tiziminde 58-orynǵa kóterildi, dep dalanews.kz tilshisi kznews.kz saityna silteme jasap habarlaidy.
Basylym dereginshe, kásipkerdiń qazirgi bailyǵy 160 million dollarǵa baǵalanǵan. Ótken jyly ol 130 million dollar kapitalymen reitingte 61-orynda turǵan. Forbes Alagózovtiń bailyǵynyń artýyna naqty qandai faktorlar áser etkenin ashyp jazbaǵan.
Tursynǵali Alagózov – Qazaqstan men Ortalyq Aziiadaǵy iri alkogolsiz sýsyn óndirýshilerdiń biri sanalatyn GALANZ Bottlers kompaniiasynyń iesi ári direktorlar keńesiniń tóraǵasy.
Aita keteiik, 2024 jyly kásipker Shymkent syra zaýytyn satyp alǵan. Ashyq derekterge sáikes, ol bul óndiris ornyna 40 million dollar kóleminde investitsiia quiǵan.
Málimetterge qaraǵanda, Alagózov 2026 jyly zaýyttyń óndiris qýatyn aiyna 10 myń tonna syraǵa deiin jetkizýdi josparlap otyr.
