Almatyda burynǵy súiiktisin ańdyp, mazalaǵan áielge qatysty is tergelip jatyr, dep habarlaidy Ulysmedia.kz., dep habarlaidy dalanews.kz.
Qalalyq politsiia departamenti qoǵamdyq qaýipsizdik basqarmasy bastyǵynyń orynbasary Aitan Eleýsizovtiń aitýynsha, biyl megapoliste stalkingke qatysty 24 aryz tirkelgen. Sonyń biri — áiel adamnyń burynǵy seriktesimen qarym-qatynasty qaita jalǵastyrý áreketine bailanysty bolǵan.
Onyń sózinshe, áiel burynǵy jigitimen qaita qosylǵysy kelgen. Alaida er adam ol kezde otbasyly bolǵandyqtan, nekesin saqtap qalý úshin politsiiaǵa júgingen.
"Áieldiń stalkingke barýyna qarym-qatynasty qaita jandandyrý nieti sebep bolǵan. Biraq ekinshi tarap – qazir úilengen adam. Sondyqtan ol qoldanystaǵy nekesin saqtaý úshin politsiiaǵa aryzdandy", – dedi Eleýsizov óńirlik kommýnikatsiialar qyzmetindegi brifingte.
Qazirgi ýaqytta is óndiriste jatyr. Sondyqtan almatylyq áielge qatysty naqty qandai shara qoldanylatyny ázirge belgisiz.
Aita keteiik, Qazaqstan Qylmystyq kodeksiniń 115-1-babyna sáikes, stalking úshin 200 AEK-ke deiin aiyppul, sol mólsherde túzeý jumystary, 200 saǵatqa deiin qoǵamdyq jumys nemese 50 táýlikke deiin qamaý jazasy qarastyrylǵan.
