Ózbekstan prezidenti Shavkat Mirziioev 15 qańtarda ótken keńeste shetelde júrgen eńbek migranttarynyń quqyǵy buzylýyna qoǵam alańdaýshylyq bildirip otyrǵanyn aitty, dep habarlaidy Dalanews.kz.
Onyń sózinshe, túrli reidter barysynda otandastarynyń quqyǵy taptalyp jatyr, al Syrtqy ister ministrliginiń reaktsiiasy kóbine resmi notalarmen ǵana shektelip keledi.
"Elshiler men konsýldar árbir jaǵdai boiynsha bilikti zań kómegin kórsetip, sheteldegi azamattarymyzdyń quqyǵy men múddesin qorǵaýǵa mindetti", - dedi Shavkat Mirziioev.
Aita keteiik, Resei Ortalyq Aziia elderi, sonyń ishinde Ózbekstan azamattary úshin eńbek migratsiiasynyń negizgi baǵyty bolyp qala beredi. Soǵan qaramastan, bul elde quqyq qorǵaý organdarynyń qatań reidteri derekteri tirkelip otyr.
Osy ýaqytqa deiin Ózbekstannyń Syrtqy ister ministrligi mundai jaǵdailarǵa negizinen Resei tarapyna resmi notalar joldaýmen ǵana shektelgeni atap ótildi.
