ٶزبەكستان پرەزيدەنتٸ شاۆكات ميرزييوەۆ 15 قاڭتاردا ٶتكەن كەڭەستە شەتەلدە جٷرگەن ەڭبەك ميگرانتتارىنىڭ قۇقىعى بۇزىلۋىنا قوعام الاڭداۋشىلىق بٸلدٸرٸپ وتىرعانىن ايتتى, دەپ حابارلايدى Dalanews.kz.
ونىڭ سٶزٸنشە, تٷرلٸ رەيدتەر بارىسىندا وتانداستارىنىڭ قۇقىعى تاپتالىپ جاتىر, ال سىرتقى ٸستەر مينيسترلٸگٸنٸڭ رەاكتسيياسى كٶبٸنە رەسمي نوتالارمەن عانا شەكتەلٸپ كەلەدٸ.
"ەلشٸلەر مەن كونسۋلدار ەربٸر جاعداي بويىنشا بٸلٸكتٸ زاڭ كٶمەگٸن كٶرسەتٸپ, شەتەلدەگٸ ازاماتتارىمىزدىڭ قۇقىعى مەن مٷددەسٸن قورعاۋعا مٸندەتتٸ", - دەدٸ شاۆكات ميرزييوەۆ.
ايتا كەتەيٸك, رەسەي ورتالىق ازييا ەلدەرٸ, سونىڭ ٸشٸندە ٶزبەكستان ازاماتتارى ٷشٸن ەڭبەك ميگراتسيياسىنىڭ نەگٸزگٸ باعىتى بولىپ قالا بەرەدٸ. سوعان قاراماستان, بۇل ەلدە قۇقىق قورعاۋ ورگاندارىنىڭ قاتاڭ رەيدتەرٸ دەرەكتەرٸ تٸركەلٸپ وتىر.
وسى ۋاقىتقا دەيٸن ٶزبەكستاننىڭ سىرتقى ٸستەر مينيسترلٸگٸ مۇنداي جاعدايلارعا نەگٸزٸنەن رەسەي تاراپىنا رەسمي نوتالار جولداۋمەن عانا شەكتەلگەنٸ اتاپ ٶتٸلدٸ.
