Ony estip te, kórip te júrmiz. Ókinishke qarai, osydan biraz buryn ǵalym, aitysker aqyn Amanjol Áltaevtiń osy taqyryptardaǵy birneshe kitabynyń Tusaýkeser – talqylaýynda boldym. Sózdiń reti kelip, ózim tereń zerttep júrgen, ár aitqanyn jattap júrgen Amanjoldyń kitaptarynan myna bir eki-úsh mysaldy keltirdim. Asanqaiǵy:
– Qymyz iship qyzaryp,
Mastanyp-qyzyp, terleisiń,
Ózińnen basqa han joqtai,
Eleýrep nege sóileisiń?!»,
Shal aqyn:
– Toptaǵy bai, toptaǵy bi bolsań da,
Qolyńnan mal ketken soń kelmes kúiiń!
Buqar jyraý:
– Batpaqty saiǵa sý tússe,atyń aryp kelgende – ótkel bermes keshýge,
Qaiyrsyz itke mal bitse,ańqań quryp kelgende - saýmal bermes ishýge!
Osy úsh mysalǵa óz tarapymnan Mailyqojanyń:
– Jaqynnan kúder úzgender – týysyn uryp jat qylar,
Jylqydan kúder úzgender – biesin satyp, at qylar! – degen jolyn qostym da keshke jinalǵan kópshilikke «Bizdiń altynnan da ardaqty abyzdarymyzdyń álemniń bar bailyǵynan da baǵaly osyndai shýmaqtaryn oqi, túsine, túisine almaityn, osy shýmaqtardyń uly maǵynasyn júrek-qan tamyrlary arqyly ótkize almaityn elimizdegi basshy qyzmettegi jandar tutastai qazaq qoǵamyn qalai basqara alady osy?!» – dep kúiindim. Búgingi kúiik sodan kem emes.
...Qudai-aý, Ana tilden airylsa – Qazaq qaityp kún kórer?!!
Nesip Júnisbaev, pýblitsist
(avtordyń Feisbýktaǵy paraqshasynan alyndy)
