Mınıstr tegin dári-dármek alý júıesi buryn tek komersıalyq dárihanalarda jumys istegenin alǵa tartty.
– Olar (komersıalyq dárihanalar) aqsha surady. Sóıtip, 2015 jylǵa deıin dári-dármek qunynyń 25% kólemindegi ústemaqy tólenip keldi. Meniń oıymsha, bul qomaqty soma. Endi osy 25%-ti bireýge bergenshe, adam emhanaǵa kelip, resept boıynsha dári-dármek alǵany tıimdi dep sanaımyz. Bolashaqta biz adamdardyń kez kelgen dárihanadan ózine qajetti dárini tegin alatyn júıege oralǵymyz keledi, – dedi Birtanov.
Budan bylaı dárihanalar arasynda tender ótkizilmeıdi. Eger adamnyń qolynda resep bolsa, barlyq dárihanalar tegin dári beredi.
– Ol úshin biz búkil júıeni sıfrlandyrý arqyly býhgalterlik esepti kórip otyrýymyz kerek. Mysaly, bir adam tegin dári-dármek alýǵa kelse, dárihana satýshylary «bizde tólem joq» deýi múmkin. Osyndaı árekettiń aldyn alý úshin tegin elektrondy reseptter júıesin jasadyq. Qazir bul júıe jeke dárihanalarda synaqtan ótip jatyr. Synaq eki jylǵa sozylady, – dedi mınıstr.
Búgingi tańda adamdar tegin dári-dármek alý úshin emhanalarǵa barýǵa májbúr.
"Kóp jaǵdaıda tegin dáriler aldyn ala bekitilgen jospar boıynsha sozylmaly aýrýlarǵa ǵana (juqpaly aýrýlarǵa emes) beriledi, - dep túsindirdi Birtanov.
Al endi úıge shaqyrylatyn dárigerler úshin dene qyzýyn tómendetetin preparat alý problemasy da mańyzdy.
– Bul máseleden habarymyz bar jáne onyń sheshimin jaqyn arada tabamyz dep oılaımyn. Sol sıaqty adamnyń jeke sáıkestendirý nómirine reseptini tirkeý arqyly táýlik boıy isteıtin kez-kelgen dárihanadan dári-dármek alatyn júıeni iske qosamyz, – dedi mınıstr.
Qazaqstanda qandaı dári-dármekter tegin berilýi múmkin
Elimizde 1 qańtardan bastap áleýmettik mańyzdy aýrý sanatyndaǵy 32 toptyń birinde tirkelgen pasıentter memleket esebinen dári-dármektermen qamtamasyz etiledi. Olardyń qatarynda onkologıa, týberkýlez, VICH, qant dıabeti, V jáne S vırýstyq gepatıti, arterıalyq gıpertenzıa sıaqty syrqat túrleri bar.
Al mindetti áleýmettik medısınalyq saqtandyrý qatysýshylary úshin dári-dármektiń 41 tobynyń birine tirkelgenderge qoljetimdi boldy. Mınıstrlik ókilderiniń aıtýynsha, bul shamamen 300-ge jýyq dıagnoz túri. Aýrý men dári-dármekterdiń tizimin myna siltemeden qaraýǵa bolady.
