Mınıstr Saparov jýrnalıserden sóz estip qaldy

Saǵynysh Sardarova 24 maý. 2024 15:20 2290

Aýyl sharýashylyǵy mınıstri Aıdarbek Saparov Úkimet otyrsynan keıin BAQ ókilderinen eskertý alyp qaldy, - dep habarlaıdy Dalanews.kz

Jýrnalıs tıisti vedostvo basshysyna shegirtke men aqbókennen kelgen shyǵyn týraly suraq qoıǵan. BAQ ókili shegirtke bıyl eginge qanshalyq shyǵyn keltirgenin anyqtamaq bolǵan.

"Shegirtke men kıikterdi salystyrmaıyqshy. Sebebi ekeýi bólek. Ázirshe shegirtkeden shyǵyn kelgen joq. Eger shyǵyn kelse... Alo, ruqsat pa?" - deıdi mınıstr.

Yńǵaısyz jaýap bergen sheneýnikke jýrnalıser eskertý de jasaǵan.

"Nege ózińizdi bulaı ustaısyz?" - dedi BAQ ókilderiniń biri.

"Men óz adamdaryma aıtyp jatyrmyn. Sizge aıtqan joqpyn. Keshirim suraımyn", - dep aqtaldy Aıdarbek Saparov.

Aıta keteıik, buǵan deıin Soltústik Qazaqstan oblysynyń ákimi bolǵan Saparov 2023 jylǵy 4 qyrkúıektegi QR Prezıdentiniń jarlyǵymen aýyl sharýashylyǵy mınıstri qyzmetine taǵaıyndalǵan edi.


Usynylǵan
Sońǵy jańalyqtar