Ortalyq Aziia men Ońtústik Kavkaz elderinde aýtizmi bar adamdardy qoldaýǵa baǵyttalǵan aimaqtyq hab ashylady. Joba halyqaralyq tájiribeni óńirdiń erekshelikterine beiimdeýge, mamandar arasynda tájiribe almasýǵa jáne ǵylymi negizdelgen tásilderdiń qoljetimdiligin arttyrýǵa múmkindik beredi, dep habarlaidy dalanews.kz.
Bastamanyń aimaqtyq modeli Niý-Iorkte ótken BUU Bas Assambleiasynyń 81-sessiiasy aiasynda tanystyryldy. Jobany Bolat Ótemuratov qorynyń Qamqorshylyq keńesiniń tóraǵasy Almaz Sharman usyndy.
Hab aýtizm salasyndaǵy zertteýlerdi damytýǵa, mamandardyń ózara tájiribe almasýyna jáne halyqaralyq ádisterdi jergilikti jaǵdaiǵa beiimdep engizýge yqpal etpek.
Joba Aýtizmi bar adamdardyń múddesin qorǵaý jónindegi jahandyq koalitsiiamen (GAAC) seriktestik aiasynda júzege asyrylady. Bolat Ótemuratov qory koalitsiianyń Ortalyq Aziia men Ońtústik Kavkazdaǵy aimaqtyq seriktesi bolady.
GAAC 2025 jyly BUU alańynda Qatar Foundation, Autism Speaks, Dúniejúzilik densaýlyq saqtaý uiymy jáne IýNISEF-tiń qatysýymen qurylǵan. Qazaqstandyq qor koalitsiianyń quryltaishy músheleriniń qataryna kirip, onyń iske qosylýyna qatysqan.
