ورتالىق ازييا مەن وڭتٷستٸك كاۆكاز ەلدەرٸندە اۋتيزمٸ بار ادامداردى قولداۋعا باعىتتالعان ايماقتىق حاب اشىلادى. جوبا حالىقارالىق تەجٸريبەنٸ ٶڭٸردٸڭ ەرەكشەلٸكتەرٸنە بەيٸمدەۋگە, ماماندار اراسىندا تەجٸريبە الماسۋعا جەنە عىلىمي نەگٸزدەلگەن تەسٸلدەردٸڭ قولجەتٸمدٸلٸگٸن ارتتىرۋعا مٷمكٸندٸك بەرەدٸ, دەپ حابارلايدى dalanews.kz.
باستامانىڭ ايماقتىق مودەلٸ نيۋ-يوركتە ٶتكەن بۇۇ باس اسسامبلەياسىنىڭ 81-سەسسيياسى اياسىندا تانىستىرىلدى. جوبانى بولات ٶتەمۇراتوۆ قورىنىڭ قامقورشىلىق كەڭەسٸنٸڭ تٶراعاسى الماز شارمان ۇسىندى.
حاب اۋتيزم سالاسىنداعى زەرتتەۋلەردٸ دامىتۋعا, مامانداردىڭ ٶزارا تەجٸريبە الماسۋىنا جەنە حالىقارالىق ەدٸستەردٸ جەرگٸلٸكتٸ جاعدايعا بەيٸمدەپ ەنگٸزۋگە ىقپال ەتپەك.
جوبا اۋتيزمٸ بار ادامداردىڭ مٷددەسٸن قورعاۋ جٶنٸندەگٸ جاھاندىق كواليتسييامەن (GAAC) سەرٸكتەستٸك اياسىندا جٷزەگە اسىرىلادى. بولات ٶتەمۇراتوۆ قورى كواليتسييانىڭ ورتالىق ازييا مەن وڭتٷستٸك كاۆكازداعى ايماقتىق سەرٸكتەسٸ بولادى.
GAAC 2025 جىلى بۇۇ الاڭىندا Qatar Foundation, Autism Speaks, دٷنيەجٷزٸلٸك دەنساۋلىق ساقتاۋ ۇيىمى جەنە يۋنيسەف-تٸڭ قاتىسۋىمەن قۇرىلعان. قازاقستاندىق قور كواليتسييانىڭ قۇرىلتايشى مٷشەلەرٸنٸڭ قاتارىنا كٸرٸپ, ونىڭ ٸسكە قوسىلۋىنا قاتىسقان.
