مينيستر ساپاروۆ جۋرناليستەردەن ءسوز ەستىپ قالدى

ساعىنىش سارداروۆا 24 ماۋ. 2024 15:20 2325

اۋىل شارۋاشىلىعى ءمينيسترى ايداربەك ساپاروۆ ۇكىمەت وتىرسىنان كەيىن ب ا ق وكىلدەرىنەن ەسكەرتۋ الىپ قالدى، - دەپ حابارلايدى Dalanews.kz

جۋرناليست ءتيىستى ۆەدوستۆو باسشىسىنا شەگىرتكە مەن اقبوكەننەن كەلگەن شىعىن تۋرالى سۇراق قويعان. ب ا ق وكىلى شەگىرتكە بيىل ەگىنگە قانشالىق شىعىن كەلتىرگەنىن انىقتاماق بولعان.

"شەگىرتكە مەن كيىكتەردى سالىستىرمايىقشى. سەبەبى ەكەۋى بولەك. ازىرشە شەگىرتكەدەن شىعىن كەلگەن جوق. ەگەر شىعىن كەلسە... اللو، رۇقسات پا؟" - دەيدى مينيستر.

ىڭعايسىز جاۋاپ بەرگەن شەنەۋنىككە جۋرناليستەر ەسكەرتۋ دە جاساعان.

"نەگە ءوزىڭىزدى بۇلاي ۇستايسىز؟" - دەدى ب ا ق وكىلدەرىنىڭ ءبىرى.

"مەن ءوز ادامدارىما ايتىپ جاتىرمىن. سىزگە ايتقان جوقپىن. كەشىرىم سۇرايمىن"، - دەپ اقتالدى ايداربەك ساپاروۆ.

ايتا كەتەيىك، بۇعان دەيىن سولتۇستىك قازاقستان وبلىسىنىڭ اكىمى بولعان ساپاروۆ 2023 جىلعى 4 قىركۇيەكتەگى ق ر پرەزيدەنتىنىڭ جارلىعىمەن اۋىل شارۋاشىلىعى ءمينيسترى قىزمەتىنە تاعايىندالعان ەدى.


ۇسىنىلعان
سوڭعى جاڭالىقتار