Qyzylordada TikTok-ta balaǵat sózder aitqan eki turǵyn jaýapqa tartyldy, dep habarlaidy dalanews.kz.
Politsiia qyzmetkerleri áleýmettik jelilerge monitoring júrgizý barysynda TikTok platformasyndaǵy tikelei efir kezinde qurbysymen birge balaǵat sózder aitqan adamnyń paraqshasyn anyqtaǵan.
Tikelei efir qala aýmaǵyndaǵy kafelerdiń birinde júrgizilgen. Politsiia qyzmetkerleri olardyń kim ekenin anyqtaǵan.
"Olar Qyzylorda qalasynyń 24 jastaǵy turǵyndary bolyp shyqty. Áleýmettik jelide usaq buzaqylyq jasaǵan eki qyz ákimshilik jaýapkershilikke tartyldy. Sot sheshimimen olardyń árqaisyna aiyppul túrindegi jaza taǵaiyndaldy", - dedi politsiia.
