Syrtqy ister ministri Murat Nurtileý Májilis ǵimaratyna keldi, dep habarlaidy Dalanews.kz.
Syrtqy ister ministri Murat Nurtileý Prezidenttiń joldaýyna deiin Májilis ǵimaratyna keldi.
Ótken aptada syrtqy ister ministri Murat Nurtileý men kásipker Gadji Gadjiev ustalǵany týraly qaýeset taraǵan edi. Artynsha resmi organdar málimdeme jasap, bul jalǵan aqparat ekenin málimdedi.
"QR Syrtqy ister ministri ustalǵany týraly jańalyq shyndyqqa janaspaidy. Biz muny jýrnalistik etika men elimizdiń qoldanystaǵy zańnamasyn buzý dep sanaimyz", - dedi QR SIM resmi ókili Aibek Smadiiarov.
Eske salaiyq, búgin saǵat 11:00-de Parlament palatalarynyń birlesken otyrysynda Prezident Qasym-Jomart Toqaev Qazaqstan halqyna joldaýyn jariialaidy.
Memleket basshysynyń joldaýy respýblikalyq telearnalarda, sondai-aq, Aqordanyń áleýmettik jelilerdegi resmi paraqshalarynda tikelei efirde kórsetiledi.
