سىرتقى ىستەر ءمينيسترى مۇرات نۇرتىلەۋ ءماجىلىس عيماراتىنا كەلدى، دەپ حابارلايدى Dalanews.kz.
سىرتقى ىستەر ءمينيسترى مۇرات نۇرتىلەۋ پرەزيدەنتتىڭ جولداۋىنا دەيىن ءماجىلىس عيماراتىنا كەلدى.
وتكەن اپتادا سىرتقى ىستەر ءمينيسترى مۇرات نۇرتىلەۋ مەن كاسىپكەر گادجي گادجييەۆ ۇستالعانى تۋرالى قاۋەسەت تاراعان ەدى. ارتىنشا رەسمي ورگاندار مالىمدەمە جاساپ، بۇل جالعان اقپارات ەكەنىن مالىمدەدى.
"ق ر سىرتقى ىستەر ءمينيسترى ۇستالعانى تۋرالى جاڭالىق شىندىققا جاناسپايدى. ءبىز مۇنى جۋرناليستىك ەتيكا مەن ەلىمىزدىڭ قولدانىستاعى زاڭناماسىن بۇزۋ دەپ سانايمىز"، - دەدى ق ر ءسىم رەسمي وكىلى ايبەك سمادياروۆ.
ەسكە سالايىق، بۇگىن ساعات 11:00-دە پارلامەنت پالاتالارىنىڭ بىرلەسكەن وتىرىسىندا پرەزيدەنت قاسىم-جومارت توقايەۆ قازاقستان حالقىنا جولداۋىن جاريالايدى.
مەملەكەت باسشىسىنىڭ جولداۋى رەسپۋبليكالىق تەلەارنالاردا، سونداي-اق، اقوردانىڭ الەۋمەتتىك جەلىلەردەگى رەسمي پاراقشالارىندا تىكەلەي ەفيردە كورسەتىلەدى.
